استانادا اتاقتى «ايكا» فيلمىنىڭ تۇساۋى كەسىلدى

None
None
استانا. قازاقپارات - استانادا وسكاردىڭ شورت- تىزىمىنە ەنگەن قازاقستاندىق «ايكا» فيلمىنىڭ الدىن الا كورسەتىلىمى ءوتتى، دەپ حابارلايدى قازاقپارات ءتىلشىسى.

تۇساۋكەسەرگە كارتينا رەجيسسەرى سەرگەي دۆورسيەۆوي مەن ايكا ءرولىن سومداعان اكتريسا سامال ەسلياموۆا ارنايى كەلدى.

وسى تۋىندىنىڭ ارقاسىندا سامال ەسلياموۆا كانن فەستيۆالىنىڭ جەڭىمپازى اتانعان بولاتىن.

«ايكانىڭ» العاشقى كورسەتىلىمىن استانادا باستاپ وتىرمىز. قازاقستانىڭ مادەنيەت جانە سپورت مينيسترلىگىنە ۇلكەن راحمەت ايتقىمىز كەلەدى. مينيسترلىكتىڭ قولداۋىمەن وسكار بايقاۋىنا قاتىسىپ، الەمنىڭ ۇزدىك 9 فيلمىنىڭ قاتارىنا ەندىك. ال ءبىزدىڭ اكتريسا سامال پوستكەڭەستىك كينو تاريحىندا العاش رەت الەمنىڭ ۇزدىك اكتريساسى اتاندى. بارلىعى «ايكانى» اۋىر فيلم دەپ ايتىپ جاتىر، كورەرمەندى ولاي قورقىتپاي-اق قويايىق. بۇل وتە سالماقتى كارتينا، وندا ءازىل دە بار، دراما بار»، - دەيدى سەرگەي دۆورسەۆوي Kinopark 8 Imax Saryarka كينوتەاترىندا.

ءوز كەزەگىندە سامال ەسلياموۆا كارتينانىڭ 6 جىل بويى تۇسىرىلگەنىن، ونداعى ءاربىر كادرعا جەتە ءمان بەرىلگەنىن اتاپ ءوتتى.

فيلمدە قىرعىزستاننان ماسكەۋگە كەلىپ، وندا زاڭسىز جۇمىس ىستەپ جۇرگەن جاس ەميگرانت ايەلدىڭ وقيعاسى، ونىڭ ىشكى ادامي ءوسۋى، انالىق سەزىمى باياندالادى.

سونداي-اق، فيلم «وسكار» جۇلدەسىنىڭ «شەتەل تىلىندەگى ۇزدىك فيلم» ساناتىندا توعىز كارتينادان تۇراتىن قىسقا تىزىمىنە ەندى. الايدا، «ايكا» بەس فيلمنەن تۇراتىن «وسكاردىڭ» سوڭعى ۇمىتكەرلەرىنىڭ تىزىمىنە ەنبەي قالدى.

YouTube ۆيدەوحوستينگىندە كينوكارتينانىڭ ترەيلەرى جاريالاندى. 14 -اقپاننان باستاپ، «ايكا» كارتيناسى رەسەي مەن قازاقستان كينوتەاترلارىنان كورسەتىلەدى.

سوڭعى جاڭالىقتار