تارازدىق جاس كاسىپكەر مەديتسينالىق جاڭا قۇرىلعى ويلاپ تاپتى
قازىر بۇل باعدارلامانى ەمدەۋ مەكەمەلەرى قولدانىسقا ەنگىزىپ، تيىمدىلىگىن كورىپ وتىر، دەپ حابارلايدى قازاقپارات.
جاڭا قوسىمشانى پايدالانۋ ءۇشىن اۋرۋحاناعا كەلگەن ناۋقاس، ءتول قۇجاتتاعى جەكە سايكەستەندىرۋ ءنومىرىن ايتۋى ءتيىس. سول ارقىلى كۋالىك يەسى تۋرالى تولىق اقپارات كومپيۋتەرگە اۆتوماتتى تۇردە ەنگىزىلەدى. ارنايى قوسىمشا ارقىلى دارىگەرلەر ناۋقاستىڭ اۋرۋحانادان شىعارۋ قاعازىن بۇرىنعىداي ساعاتتاپ وتىرىپ ەمەس، 5 مينۋتتا تولتىرا الادى. كاسىپكەر تىڭ باعدارلامانى ەكى جىلدا جاساپ شىعارعان.
«بۇل جاڭا قوسىمشا ارقىلى ۋاقىتتى ۇنەمدەپ وتىرمىز. بۇرىن ەمدەلۋشىنىڭ مالىمەتىن الۋ ءۇشىن جازىپ، شىعارىپ، قايتادان كوشىرىپ قويۋ سەكىلدى كوپتەگەن فۋنكسيالاردى ورىندايتىنبىز. ونىڭ ءبارى كوزگە كورىنبەگەنمەن، ايتارلىقتاۋ قولدى بايلايتىن. قازىر ونىڭ بارلىعىن كوشىرمەيمىز. ءبىر ەنگىزەمىز، سول ارقىلى ءبارى دايىن تۇرادى. تەك قانا داتاسىن وزگەرتىپ وتىرامىز، - دەيدى كارديوحيرۋرگ دىنمۇحامەد بەگاليەۆ.