ءمىنسىز كورىنۋدىڭ تاسىلدەرى

 استانا. قازاقپارات - كۇندەلىكتى ومىردە كەنەتتەن تۋىندايتىن كەلەڭسىزدىكتەردى كوپ ۋاقىت جانە قاراجات كەتىرىپ قيىنداتپاي، قاراپايىم ادىستەرمەن شەشۋگە بولادى.

بىلعارىدان جاسالعان سومكەدەگى داقتى كەتىرۋ ءۇشىن سىركە سۋى مەن قاراپايىم سۋدى ارالاستىرىپ، سومكەگە شاشىڭىز. سودان سوڭ، ابايلاپ ءسۇرتىپ شىعىڭىز.

كيىمدەگى تۇكتەردى قاراپايىم ۇستارامەن تازارتۋعا بولادى.

كيىمنىڭ جاعاسىن شاش تۇزەتكىشتىڭ كومەگىمەن تەگىستەۋگە بولادى. سول سەكىلدى ىلگەكتىڭ اينالاسىندا تۇزەتكىشپەن تەگىستەگەن ىڭعايلى.

ساقينادان ساۋساعىمىزعا ءىز قالىپ قويىپ جاتادى. ونداي جاعداي بولماس ءۇشىن، ساقينالارىڭىزدىڭ ىشكى جاعىنا تىرناققا ارنالعان لاك جاعىپ قويىڭىز.

قارا دجينسى شالباردى جۋعاندا ءتۇسى كەتىپ قالماس ءۇشىن كىر ماشيناعا جارتى ستاقان تازارتىلعان سىركە سۋىن قۇيىپ جىبەرىڭىز.

اياق كيىمدى جىلدام كەڭەيتۋ ءۇشىن وعان مۇزى بار پاكەتتى سالىپ قويىڭىز. مۇز ەري باستاعاندا الىپ تاستاڭىز.

كەز كەلگەن جۋعىش زاتقا سودا سالىپ، ارالاستىرىپ، ەسكى ءتىس شەتكاسىمەن اياق كيىمىڭىزدىڭ تابانىن تازارتىپ شىعىڭىز.

شالبار ەتەگىنىڭ ىشكى جاعىنا تۇيرەۋىش تاعىپ قويسا، ەلەكترلەنۋى توقتايدى.

كۇدەرى اياق كيىمىنىڭ قىرىلعان جەرلەرىن وشىرگىشپەن تازارتۋعا بولادى.