ەستە ساقتاۋ قابىلەتىن جاقسارتقىڭىز كەلسە

None
None
 استانا. قازاقپارات - كۇندەلىكتى ومىردە اتاۋلى كۇندەردى، ماڭىزدى اقپاراتتاردى، بانكومات كارتالارىنىڭ قۇپيا سانىن، كوشە قيىلىسىن ەستەن شىعارىپ، سان سوعىپ جاتامىز.

قازىر ايتىلعاندى ءقازىر ۇمىتىپ، قايتا سۇراپ بارۋ ءۇشىن ەكى اياققا كۇش تۇسىرەتىنىمىز دە راس. ەستە ساقتاۋ قابىلەتىن ارتتىرۋ امالدارى مەن اقپاراتتى جاتتاۋدىڭ ءتيىمدى جولدارىن جادىڭىزعا تۇيسەڭىز، جۇمىستا نە ساباقتا العىرلىعىڭىزبەن كوزگە تۇسەرىڭىز حاق. ەندەشە، مالىمەتتەردى قالاي تەز جاتتاۋعا بولاتىنىن بىرگە وقيىق.

بەلگىلى ءبىر اقپاراتتى ەستە ساقتاپ قالۋ ءۇشىن سول مالىمەتكە بار كوڭىلىڭىزدى اۋدارىڭىز. مۇقيات تىڭداپ، جادتا ساقتاۋ جولىندا جاڭاعى اقپاراتتى وزىڭىزگە تانىس زاتپەن بايلانىستىرىڭىز. ماسەلەن، 39 ءۇيدىڭ ءنومىرىن جاتتاۋ ءۇشىن وسى سانعا بايلانىستى اقپاراتتى ىزدەڭىز: اتاڭىز 1939 -جىلى تۋىلعان دەلىك، وسى اتاۋلى كۇننىڭ كومەگىمەن ءۇيدىڭ ءنومىرىن جاتتاۋىڭىزعا بولادى.

ءبىر ماڭىزدى اقپاراتتى، مىسالى، ەسەپناماداعى ءبىر ساندى، ءسوزدىڭ ماعىناسىن، ءانشىنىڭ اتىن، تەلەفون ءنومىرىن ەستەن شىعارىپ الساڭىز، قۇجاتقا، سوزدىككە، عالامتورعا ۇڭىلمەس بۇرىن، ءوزىڭىز ەسكە تۇسىرۋگە تىرىسىڭىز.

ەگەر جاڭا اقپاراتتى ساقتاپ قالعىڭىز كەلسە، سول اقپاراتتى قاتىستىرىپ، ويشا سۇلباسىن بەينەلەڭىز. ول ءوز قيالىڭىزعا بايلانىستى.

سانداردى جاتتاۋدا، ولاردىڭ قۇرامىن قوسىپ نە ءبولىپ ەستە ساقتاۋعا بولادى نەمەسە بەلگىلى ءبىر اسسوتسياتسيا قالىپتاستىرىڭىز. ماسەلەن، 2467 سانىن الايىق. 2+4=6، ال التىدان كەيىن 7 دەپ، ەستە ساقتاساڭىز، الدەقايدا ءتيىمدى.

ءبىر ادامنىڭ ايتقانىن كەلەسى ءبىر ادامعا جەتكىزۋ بارىسىندا ايتىلعان ويدى قالاي جاتتاۋعا بولادى؟ ونىڭ دا قاراپايىم ءتاسىلى بار. بالا كەزىمىزدە جاتتاۋعا بەرگەن تاقپاقتاردى انامىز وقىپ، ءبىز قايتالاۋشى ەدىك قوي. سول سەكىلدى، ايتىلعان سوزدەردى ءوزىڭىز دە ىشتەي قايتالاپ وتىرساڭىز، مالىمەتتەردى كەلەسى ءبىر ادامعا توسىلماي جەتكىزەسىز.

بوس ۋاقىتىڭىزدا، مىسالى، كەزەكتە تۇرعان ساتتە دەلىك، ۋاقىتىڭىزدى ۇتىمدى پايدالانۋ ءۇشىن جانە جادىڭىزدىڭ قابىلەتىن ارتتىرۋ ءۇشىن اريفمەتيكالىق ەسەپتەردى كوبىرەك شەشىڭىز.

تاعى دا ءبىر كەڭەس: ەستە ساقتاۋ قابىلەتىن ارتتىرۋ ءۇشىن جۇمىستان نە وقۋدان كەلگەن سوڭ، كەشكە قاراي كۇندى قالاي وتكىزگەنىڭىزدى ەسىڭىزگە ءتۇسىرىڭىز. ءار باسقان قادامىڭىزدى، ءار ءىس- ارەكەتىڭىزدى، كىممەن كەزدەسىپ، قاي جەردە وتىرعانىڭىزدى كوز الدىڭىزعا ەلەستەتىپ، ءوز- وزىڭىزگە ەسەپ بەرىڭىز.

جانە ەڭ ماڭىزدىسى - كوبىرەك كىتاپ وقىڭىز. كىتاپ وقۋ بارىسىندا مي وقىلعان ءار وقيعانى جاتتاپ قالۋعا ارەكەتتەنەدى.

دەرەككوزى: پ ت توپتاماسىنان

سوڭعى جاڭالىقتار