جۇكتى ايەل اۋىر دياگنوز قويىلعان ءسابيىن بوسانىپ، اعزالارىن ناۋقاس بالالارعا بەردى

  استانا. قازاقپارات - ا ق ش- تىڭ تەننەسسي شتاتىنىڭ تۇرعىنى قۇرساعىنداعى نارەستەسىنىڭ دامۋىندا ۇلكەن اقاۋ بارىن بىلگەن. الايدا ول ءسابيىنىڭ اعزالارىن ناۋقاس بالالارعا بەرۋ ءۇشىن، ونى ومىرگە اكەلمەك.

بۇل تۋرالى KRDO باسىلىمى حابارلايدى.

كريستا دەۆيس جۇكتىلىگىنىڭ 18 اپتاسىندا جۇرگەندە ونىڭ قۇرساعىنداعى سابيىنە انەنتسەفاليا دياگنوزى قويىلعان. ءسابيدىڭ دامۋىنداعى مۇنداي اقاۋ كەزىندە ۇلكەن مي سىڭارى، باس سۇيەگىنىڭ ءبىر بولىگى بولماۋى مۇمكىن. ادەتتە، مۇنداي اقاۋى بار سابيلەر 30 مينۋتتان ۇزاق ءومىر سۇرمەيدى.

الايدا دەۆيس جۇكتىلىگىن توقتاتۋدان باس تارتتى. ول ءسابيىن بوسانىپ، ونىڭ اعزالارىن ناۋقاس بالالارعا بەرمەك.

ول سالماعى 2,72 كەلى بولاتىن قىز بالانى بوساندى. جاڭا تۋعان نارەستە ءبىر اپتادان كەيىن شەتىنەپ كەتتى. ونىڭ جۇرەگىنىڭ كلاپاندارى ناۋقاس بالالارعا بەرىلدى. ال وكپەسىن انەنتسەفاليانىڭ الدىن الۋدىڭ ءادىسىن ىزدەپ جۇرگەن زەرتتەۋشىلەر الدى.

Stan.kz