+7 (701) 759 90 19 Лента
-12 °С : استانا
-6 °С : الماتى
USD 375.95 EUR 425.80
RUB 5.74 CNY 55.94
جاڭالىقتار

كەدەيلەر نەگە بايىمايدى؟

13 اقپان 03:20 396
:ءبولىسۋ
كەدەيلەر نەگە بايىمايدى؟

استانا. قازاقپارات - «ءار ءىستى جاقسى ىستەۋ ءۇشىن، ونى جاقسى كورۋ قاجەت» دەمەكشى، باي بولۋ ءۇشىن دە بايلىقتى جاقسى كورۋ كەرەك. بالاعا دەگەن قامقورلىق ونى جاقسى كورۋ بولىپ ەسەپتەلسە، اقشاعا دا سونداي قامقورلىق قاجەت.

 ونى دا جاقسى كورۋ كەرەك. سەبەبى، اقشا پسيحولوگياسى وسىنى تالاپ ەتەدى. الايدا كوپشىلىكتىڭ پسيحولوگياسى ونى قۇپتاي بەرمەيدى. سەبەبى كوپ، شەشىمى بىرەۋ. ەندەشە تانىسا وتىرىڭىزدار، كەدەيلەر نەگە بايىمايدى؟

 1. اقشام جوق. مىنە، وسى ءسوز ءسىزدى كەدەيلىككە الىپ بارادى. ارينە، اقشاڭ بولماسا قيىن، مۇڭاياسىڭ. الايدا باي ادامنىڭ كەدەيدەن ايىرماشىلىعى دا سوندا. ولار ءوز تاعدىرىنا شاعىمدانبايدى. ال اقشاسى جوق ادام ءوزىن ايانىشتى ەتىپ كورسەتىپ، جان سىرىن اقتارىپ، ومىردەگى قيىنشىلىقتارىن جىر ەتىپ ايتۋعا قۇمار. تۇسىنەسىز بە، ودان بويىڭىز جەڭىلدەمەيدى نەمەسە ءاميانىڭىزدا اقشا پايدا بولمايدى.

 2. وزگەنى كىنالاۋ. كەدەي ادامدار كوبىندە وزىنە جاۋاپكەرشىلىك المايدى. كەرىسىنشە، ول ءوزىنىڭ جولى بولماي جۇرگەنىن ارىپتەسىنەن، وتباسىنان، اكە- شەشەسىنەن، باستىعىنان، بيلىكتەن، قوعامنان كورەدى. كوپ قولداناتىن ءسوز تىركەسى: «مەن سولار بولماعاندا، باياعىدا بايىپ كەتەتىن ەدىم» .

 3. وزگەنىڭ ەڭبەگىن باعالاماۋ. كەدەي ادام بىرەۋدىڭ ەسەبىنەن ءومىر سۇرگەندى ۇناتادى. قازاقتىڭ «اۋىردىڭ ۇستىمەن، جەڭىلدىڭ استىمەن» دەگەن ماقالى ءدال سولارعا ايتىلعانداي. ونىسىمەن قوسا، سول وزگەنىڭ ەڭبەگىن دۇرىس باعالاي دا المايدى. «مەن بولعاندا، باسقاشا جاسار ەدىم نەمەسە ولاي جاساعان دۇرىس ەمەس» دەگەن ءسوز تىركەسىن قارسى قولدانۋى مۇمكىن.

 4. ءوزىن مۇسىركەۋ. كەيبىر جاندار وزىندە بولىپ جاتقان ماسەلەسىنە (پروبلەماسىنا) اينالاسىنداعىلاردى كىنالايدى. ماسەلەن، ءتۇرىنىڭ كەلىسپەگەنى، وزىنە لايىقتى ەلدە تۇرماعانى نەمەسە قولايسىز گەوگرافيالىق جاعداي، كەدەي وتباسىندا تۋعانى، ءبىلىمى جەتىسپەيدى نەمەسە وزگە ءتىلدى بىلمەيدى جانە ت. ب. كەدەي ادام ءوزىن اياپ، مۇسىركەپ، وكىنىشپەن كوپ ءومىرىن وتكىزەدى.

 5. شەشىمدى دۇرىس ءارى تەز قابىلداۋ. ۋاقىتتى سوزا بەرمەۋ نەمەسە تاۋەكەلگە بەل بۋۋ، ءبىرىنشى قادام جاساۋ كوبىندە ءساتتى جۇمىستىڭ باستاماسى بولادى. الايدا كەدەيلەردىڭ كوبىندە مۇندايعا جىگەرلەرى جەتە بەرمەيدى. ولار تۇراقتى، ءبىراق از جالاقىعا قاناعاتتانادى. ناتيجەسىندە ءومىر بويى ۇيرەنشىكتى تابىسىن قاناعات تۇتىپ، ءوزىنىڭ تىنىش ومىرىنە ريزا بولىپ جۇرە بەرەدى.

 6. اقشانى تەككە جۇمساۋ. كەيبىر ادامداردىڭ قارجىلىق ستراتەگياسى بولمايدى. دەمەك، ونىڭ ماقساتى -  اقشا تاۋىپ، ونى تەز جۇمساۋ. ال باي ادام تاپقان تابىسىن كاپيتال قۇرۋعا قۇيادى. ياعني، بۇدان شىعار قورىتىندى، ادام كوپ اقشا تاپقاننان بايىمايدى، ادام تابىسىن ساۋاتتى باسقارىپ قانا تابىسقا جەتە الادى.

 7. وزىنە ۇنامايتىن ىسپەن اينالىسۋ. جانى قالامايتىن، سۇيمەيتىن ىسپەن اينالىساتىن ادامنىڭ جۇمىسىنا ايتار وكپەسى كوپ. سونىمەن قاتار ول اپتانىڭ اياعىن اسىعا كۇتەدى. باسشىلارىن ۇناتپايدى، الايدا دۇيسەنبى كۇنى قايتا جۇمىسىنا سۇيرەتىلىپ بارادى. ال ءوزىنىڭ سۇيىكتى ىسىمەن اينالىسۋىنا باتىلى بارمايدى. سودان ەش وزگەرىسسىز جىلدان- جىلعا ءومىرى ءبىر سارىنمەن وتە بەرەدى.

 8. تەگىن تەككە كەتەدى. ءبىرسارىندى ومىرگە داعدىلانىپ كەتكەن ادامدار تەگىن ترەنينگ، سەمينار، وقۋ، پرەمەرالارعا بارۋعا قۇمار. الايدا بارعانىمەن، ونى ءوز ىسىنە جاراتپايدى. شابىتتانبايدى. ناتيجەسىندە بىلىكتىلىگىمدى ارتتىرىپ، دامىپ جاتىرمىن دەپ ءوزىن الدايدى. شىن مانىسىندە بۇل تەك ءوزىن جۇباتۋ عانا، ەشقانداي دا دامۋ جوق. تەگىن دۇنيە تەككە كەتەتىنىن تۇسىنبەيدى. تابىستى بولۋ ءۇشىن قاجەت ادامدارمەن ءجيى ارالاسىپ، كوزدەگەن ماقساتقا جەتۋ ءۇشىن ناقتى جوسپار قۇرا ءبىلۋ كەرەك.

 9. تەز ارادا پايدا تابۋدى كوزدەيدى. كەدەي ادامدار جاڭا نارسەگە ۇمتىلمايدى، بولاشاعى ءۇشىن جۇمىس ىستەمەيدى. تەز ارادا پايدا تاپقىسى كەلىپ تۇرادى، جەڭىل اقشاعا قۇمار. كۇش- جىگەرىن جۇمساماي- اق پايداعا كەنەلگىسى كەلەدى. ياعني بۇل كوكتەمدە وتىرعىزاتىن كارتوبىن ويلاماي، بار كوكونىسىن قىستا جەپ تاۋىساتىن شارۋا سەكىلدى. سونىمەن قاتار، بىرەۋدىڭ ومىرىمەن ءومىر ءسۇرۋ دە كەدەيلەرگە ءتان نارسە. باسقا ادامداردىڭ كەرەمەت ومىرىنە قىزىعىپ، سونى قيالداپ، سونىڭ كولەڭكەسىندە ءومىر سۇرەدى. بويىنداعى كۇمانى مەن قورقىنىشىنان ارىلعىسى كەلمەيدى.

 10. ۋاقىتتى تەككە كەتىرۋ. كەيبىر ادامدار بوس ۋاقىتىن قالاي تەز وتكىزۋدىڭ جولىن ىزدەيدى. كەرىسىنشە، "ۋاقىتىمدى قالاي پايدالى وتكىزسەم بولادى؟ " دەپ ويلاۋ قاجەت. ياعني، كەدەي ۋاقىتى مەن ءومىرىن «ولتىرەدى» ، ال باي ادام ۋاقىتىن پايداعا جاراتىپ، سودان پايدا تابادى. سونىمەن قاتار تابىستى ادام ءوزىنىڭ جەكە باسىن قۇرمەتتەيدى جانە اينالاسىنداعىلارعا تاۋەلدى ەمەس. ال كەدەي كەرىسىنشە، "اينالاداعى ادامدار مەن تۋرالى جامان ويلاماسىن" دەپ، بار ۋاقىتىن، بار كۇشىن ءوزىنىڭ بەدەلىن ساقتاۋعا جۇمسايدى.

Massaget.kz


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات