+7 (701) 759 90 19
6 °С : نۇر-سۇلتان
13 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

قازاقستانعا رەسەيلىك بەنزين قاجەت بولماي قالدى

12 اقپان 18:31
:ءبولىسۋ
قازاقستانعا رەسەيلىك بەنزين قاجەت بولماي قالدى

استانا. قازاقپارات - ق ر ۇكىمەتى وسى اپتادا رەسەيلىك بەنزيننىڭ ەلىمىزگە تاسىمالدانۋىنا ۋاقىتشا شەكتەۋدى ەنگىزەتىن قۇجاتتى قابىلداۋى مۇمكىن.

بۇل تۋرالى پارلامەنت سەناتى ەكونوميكالىق ساياسات، يننوۆاتسيالىق دامۋ جانە كاسىپكەرلىك تۇراقتى كوميتەتىنىڭ كەڭەيتىلگەن وتىرىسىننان كەيىن تىلشىلەرگە ق ر ەنەرگەتيكا ۆيتسە- ءمينيسترى بولات اقشولاقوۆ ءمالىم ەتتى، دەپ حابارلايدى قازاقپارات.

«ديزەل وتىنىن شىعارۋعا جانە رەسەي فەدەراتسياسىنان بەنزيننىڭ تاسىمالدانۋىنا شەكتەۋ شارالارى وسى اپتادا جاريالانادى» ، - دەدى ول.

ۆيتسە- ءمينيستردىڭ ايتۋىنشا، ديزەل وتىنىنىڭ شىعارىلۋىنا ۋاقىتشا شەكتەۋ ءۇش اي مەرزىمگە بەكىتىلمەك.

كوميتەت وتىرىسى بارىسىندا ب. اقشولاقوۆ مۇناي وڭدەۋ زاۋىتتارىندا جاڭعىرتۋ جۇمىستارى اياقتالعاننان كەيىن، اي-92 ماركالى بەنزينى بۇگىندە ايتارلىقتاي كوبىرەك ءوندىرىلىپ جاتقانىن اتاپ ءوتتى.

«باستاپقىدا ستراتەگيالىق قوردى قۇرۋ شارالارىنا ەكپىن قويدىق. بۇگىندە ونى تاۋلىك سايىن تەكسەرىپ وتىرمىز. اي-92 بەنزينى بويىنشا 300 مىڭ توننادان كەم ەمەس دەڭگەيگە جەتكىزۋگە تىرىسۋدامىز. بۇگىندە بەنزين ارتىعىمەن وندىرىلۋدە. قازىرگى كەزدە 350 مىڭ توننادان استام قور جينالدى. سونىمەن قاتار، بيىل اتالعان كورسەتكىشتەن اسىرا ءوندىرۋ مۇمكىندىگىمىز بار، ياعني 500 مىڭ توننا بەنزينگە جەتكىزە الامىز» ، - دەدى ۆيتسە- مينيستر.

ونىڭ سوزىنە قاراعاندا، قازاقستاندا اۋىل شارۋاشىلىعى جۇمىستارىن ەسكەرە وتىرىپ، 4,5 ميلليون تونناعا تارتا ديزەل وتىنى قاجەت بولادى. اۋىل شارۋاشىلىعى مينيسترلىگى ەگىستىك القاپتارىن كەڭەيتۋىنە بايلانىستى ەنەرگەتيكا مينيسترلىگى فەرمەلەر قاجەتتىگىنە كوكتەمدە ديزەل وتىنىن 380 مىڭ تونناعا دەيىن ارتتىرادى.

«سايكەسىنشە، بيىل 4,5-4,7 ميلليون توننا ديزەل وتىنى وندىرىلەدى. ياعني، وتىننىڭ وسى ءتۇرى بويىنشا قاجەتتىلىكتى تولىقتاي قامتاماسىز ەتەمىز. دەگەنمەن دە ماۋسىمدىق وزگەرىستەرگە بايلانىستى رەسەيدەن 300 مىڭ توننا ديزەل وتىنىن جەتكىزۋ مۇمكىندىگى بولادى» ، - دەدى ول.

بۇدان بۇرىن حابارلانعانداي، ق ر ەنەرگەتيكا ءمينيسترى قانات بوزىمبايەۆ قازاقستان ديزەل وتىنى ەكسپورتىنا شەكتەۋ قوياتىنىن ايتتى.


باستى سوزدەر: سئرتقئ ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات