+7 (701) 759 90 19
-9 °С : نۇر-سۇلتان
0 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

اكتريسا قازا تاپقان جول اپاتىنىڭ سوتى: جۇرگىزۋشى ءىلياس كار ءوزىنىڭ ماس بولماعانىن ايتۋدا

12 اقپان 17:25
:ءبولىسۋ
اكتريسا قازا تاپقان جول اپاتىنىڭ سوتى: جۇرگىزۋشى ءىلياس كار ءوزىنىڭ ماس بولماعانىن ايتۋدا

الماتى. قازاقپارات - الماتىدا 3 ادامنىڭ ولىمىنە سەبەپكەر بولعان Gelandewagen جۇرگىزۋشىسى ءوز كىناسىن ءىشىنارا مويىندادى، دەپ حابارلايدى قازاقپارات ءتىلشىسى سوت زالىنان.

«ءىلياس كار ق ر جول ەرەجەسىن بۇزىپ، سونىڭ سالدارىنان ابايسىزدا 3 ادامنىڭ ولىمىنە سەبەپكەر بولعانى ءۇشىن ق ر ق ك 345-بابىنىڭ 4-بولىمىمەن ايىپتالىپ وتىر. سونداي-اق، ايىپتالۋشى كارعا ق ر ج ق ە 2 جانە 8-تارماقتارىن بۇزا وتىرىپ، جول اپاتىنان كەيىن جاپا شەككەندەردى مەديتسينالىق ورگاندارعا اپارماي، وقيعا ورنىندا قالدىرىپ كەتكەنى ءۇشىن ق ر ق ك 347-بابىمەن ايىپ تاعىلىپ وتىر»، - دەدى پروكۋرور.




ال ايىپتالۋشىنىڭ ءوزى كىناسىن ءىشىنارا عانا مويىندادى.

«مەن ءوز ايىبىمدى مويىنداپ وتىرمىن. ءبىراق ءىشىنارا. مەن ماس بولدى دەگەن ايىپپەن كەلىسپەيمىن. سونىمەن قاتار، وقيعا ورنىنان كەتىپ قالدى دەگەن 374-باپپەن دە كەلىسپەيمىن. مەن سول جەردە بولدىم. ەشقايدا كەتكەن جوقپىن»، - دەدى ءىلياس كار.

سوت وتىرىسىنا مارقۇم اكتريسا شولپان ەلگەزەكوۆانىڭ اناسى مەن تۋىستارى، ارىپتەستەرى قاتىستى.

ايتا كەتۋ كەرەك، قايعىلى وقيعا 29 -جەلتوقساندا بولعان ەدى. اباي مەن سەيفۋللين كوشەلەرىنىڭ قيىلىسىندا Mercedes Gelandewagen جانە Mitsubishi Galant كولىكتەرى سوقتىعىسقان بولاتىن. Mercedes Gelandewagen كولىگى باعدارشامنىڭ قىزىل تۇسىنە ءوتىپ كەتكەن. جول اپاتىنان 3 ادام - Mitsubishi Galant جۇرگىزۋشىسى مەن ەكى جولاۋشى كوز جۇمدى.

ولاردىڭ اراسىندا بەلگىلى اكتريسا شولپان ەلگەزەك بار. كەيىن بەلگىلى بولعانداي، 34 جاستاعى Mercedes Gelandewagen جۇرگىزۋشىسى كولىگىن ماس كۇيىندە جۇرگىزگەن.

«Mercedes Gelandewagen» ماركالى اۆتوموبيل جۇرگىزۋشىسى، 1985 -جىلى تۋعان كار ءىلياس اباي جانە سەيفۋللين داڭعىلدارىنىڭ قيىلىسىندا جول اپاتىن جاساعاندىقتان، ق ر قىلمىستىق- پروتسەسۋالدىق كودەكسىنىڭ 128-بابىنا سايكەس ۇستالدى. سوتقا دەيىنگى تەرگەپ- تەكسەرۋ قىلمىستىق كودەكستىڭ 345-بابىنا جانە 347-بابىنىڭ 3-بولىگىنە سايكەس جۇرگىزىلدى.

ەسكە سالا كەتەيىك، اتالعان جول اپاتىنان امان قالعان جالعىز جولاۋشى - اكتريسا ايزادا ساتىبالديەۆا قابىرعالارى سىنىپ، اۋىر حالدە اۋرۋحاناعا تۇسكەن بولاتىن. ەكى اپتادان سوڭ اكتريسانىڭ بەتى بەرى قاراپ، ۇيىنە شىعارىلدى.



باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات