ديماشتى تاعى ءبىراز ەل شاقىرىپ جاتىر - ءانشىنىڭ اناسى
ءانشىنىڭ اناسى سۆەتلانا ايتبايەۆا ا ق ش-تاعى بايقاۋ، الداعى كونسەرتتەرى تۋرالى ايتىپ بەردى.
«قازاقتىڭ ونەرىن، سونىڭ ىشىندە ءانى مەن مادەنيەتىن، ۇلتتىق بولمىسىن كورسەتۋ ماقساتىندا اقش- تاعى كونكۋرسقا قاتىسىپ جاتىر. جەڭىسكە جەتەدى دەپ ويلايمىز، ۇمىتتەنەمىز. نەگىزى ديماشقا تۇسەتىن ۇسىنىستار كوپ. دەگەنمەن كونسەرت بەرۋ، الەمدىك تۋرنەگە شىعۋ وڭاي ەمەس. ديماش جالعىز ءوزى ەمەس، جانىندا مۋزىكانتتار، حورەوگرافيالىق انسامبلى بار. ونىڭ بارلىعى كوپ دايىندىقتى قاجەت ەتەدى. ماسكەۋدە، كەيىن استانادا كونسەرتى بولادى. كانادا، سەۋل، تۇركيا مەن قىرعىزستان، وزبەكستان، جالپى ت م د ەلدەرىنەن كونسەرت بەرۋگە شاقىرۋ ءتۇستى. بارىنە بيىل ۇلگەرمەيدى»، - دەدى س. ايتبايەۆا.
ديماش قۇدايبەرگەن 22 -ناۋرىزدا ماسكەۋدە كونسەرت وتكىزەدى. كوپشىلىكتىڭ سۇرانىسىمەن 23 -ناۋرىزدا دا كورەرمەنىن قۋانتاتىن بولدى.
«ديماشتىڭ رەسەيدەگى كونسەرتىن ەكى ەل بىرگە ۇيىمداستىرىپ وتىر. قاڭتاردىڭ ورتا تۇسىندا 22 -ناۋرىزدا وتەتىن كونسەرتتىڭ بارلىق بيلەتى ساتىلىپ كەتتى. كەيىن جان-جاقتان كەلەتىن جانكۇيەرلەرىنىڭ تالاپ-تىلەكتەرىنە وراي تاعى ءبىر كۇن كونسەرت بەرۋگە شەشىم قابىلداندى. قازىرگى كەزدە بيلەتتىڭ باسىم بولىگى ساتىلدى دەگەن اقپارات بار»، - دەدى سۆەتلانا ايتبايەۆا.
ەسكە سالا كەتسەك، بۇگىن ءانشى ديماش قۇدايبەرگەننىڭ جانكۇيەرلەرى اقتوبەدەگى مۋزىكالىق كوللەدجگە فورتەپيانو سىيلادى.