+7 (701) 759 90 19 Лента
-15 °С : استانا
-10 °С : الماتى
USD 375.95 EUR 425.80
RUB 5.74 CNY 55.94
جاڭالىقتار

الماتىدا ۇلى تۇلعالار ساياباعى اشىلادى

12 اقپان 15:35 203
:ءبولىسۋ
الماتىدا ۇلى تۇلعالار ساياباعى اشىلادى

الماتى. قازاقپارات - الماتىدا تاريحشىلار «ۇلى دالانىڭ ۇلى ەسىمدەرى» وقۋ- اعارتۋ ەنتسيكلوپەديالىق ساياباعىن قۇرۋ جوباسىن جانە «ۇلى دالانىڭ ۇلى ەسىمدەرى» ءتىزىمىن تالقىلادى.

جيىن ش. ءۋاليحانوۆ اتىنداعى تاريح جانە ەتنولوگيا ينستيتۋتىندا ءوتتى، دەپ حابارلايدى قازاقپارات ءتىلشىسى.

جيىنعا كاسىبي تاريحشىلار، كورنەكتى قوعام قايراتكەرلەرى، مەملەكەتتىك ورگاندار وكىلدەرى، ع ز ي وكىلدەرى، دوكتورانتتار جانە جاس عالىمدار قاتىستى. بەلگىلى عالىم، شىعىستانۋشى ءابساتتار دەربىسالى ءوز بايانداماسىندا ەسىمدەرى ەل ەسىنەن تىس قالعان تۇلعالار تۋرالى تىلگە تيەك ەتتى.

 «ءبىز وقىعان جىلدارى وقۋلىقتاردا شىعىس ويشىلدارىنان ءال- فارابي، بالاساعۇني، قاشعاريدان باسقا ەشكىم بولمايتىن. شىن مانىندە سولاي ما؟ ولاي ەمەس. ءبىز ءبىر عانا ءال- فارابيدى بىلدىك، 1968 -جىلدارى فيلوسوفيا ينستيتۋتى جانىنان ءال- فارابي مۇراسىن زەرتتەيتىن ورتالىق اشىلدى. شىن مانىندە، ءال- فارابي جالعىز ەمەس ەدى. مەنىڭ زەرتتەۋىمدە 30 ءال- فارابي بولدى، ءبىر عانا تاراز قالاسىنىڭ وزىنەن 7-8 عالىم شىققان، ءال- مەركي، ءال- بالاساعۇنيلار كوپ بولعان. سوندىقتان، قازاق مادەنيەتىنىڭ قالىپتاسۋىنا ۇلەس قوسقان عالىمداردىڭ ءبارىن ءبىلۋ - وتە ماڭىزدى. بۇل جوبالار تاريحشىلار مەن ەتنولوگتارعا كەڭ داڭعىل جول اشىپ وتىر» ، - دەدى ءابساتتار دەربىسالى.

ش. ءۋاليحانوۆ اتىنداعى تاريح جانە ەتنولوگيا ينستيتۋتى ديرەكتورىنىڭ عىلىمي جۇمىستار بويىنشا ورىنباسارى سايىن بورباسوۆ «ۇلى دالانىڭ ۇلى ەسىمدەرى» وقۋ- اعارتۋ ساياباعىنىڭ تۇجىرىمداماسى تۋرالى ايتىپ ءوتتى.

«پرەزيدەنت ماقالاسىندا ايتىلعان مىندەتتەردىڭ ءبىرىن ورىنداۋ ماقساتىندا ۇلى دالانىڭ ۇلى تۇلعالارىنىڭ ەسىمدەر گالەرەياسى اشىلادى. ءبىزدىڭ مىندەت - سوعان كىرەتىن تۇلعالاردى ىرىكتەۋ. بىزدە مەكتەپ پەن جوو باعدارلاماسىندا تەك 7-8 ادام عانا ايتىلادى. بۇل ادىلەتتى ەمەس. شىن مانىندە، ءبىزدىڭ ەلگە، قازاق ەلىنىڭ رۋحاني دامۋىنا ەڭبەك سىڭىرگەن تۇلعالار كوپ بولعان. رۋحاني مۇراسى ۇمىت بولعان، بىزگە جەتپەگەن كوپتەگەن عۇلامالار بار. تەك تارازدان شىققان 51 عۇلاما بار. مەركەدەن شىققان 7-8 ادام بار. وسى تۇلعالارىمىزدىڭ ەڭبەكتەرىن تەرەڭ زەرتتەپ، رۋحاني اينالىسقا، مادەني كەڭىستىككە ەنگىزۋ كەرەك» ، - دەدى ساياساتتانۋ عىلىمدارىنىڭ دوكتورى، تاريحشى، پروفەسسور، تاريح ينستيتۋتى ديرەكتورىنىڭ ورىنباسارى سايىن بورباسوۆ.

 
الماتىدا ۇلى تۇلعالار ساياباعى اشىلادى

سونىمەن قاتار، ۇلى دالانىڭ ۇلى ەسىمدەرى جوباسى مەن تۇجىرىمداماسىندا مۋلتيمەديالىق كارتا جاساۋ جوسپارلانعان.

«ۇلى دالانىڭ ۇلى ەسىمدەرى» تۇجىرىمداماسىن جاساعان كەزدە ارنايى ينتەراكتيۆتى كارتا تۋرالى ءبولىمدى كىرگىزدىك. تىزىمنەن قالىپ قويعان، قوسىلۋى ءتيىس دەگەن تۇلعالاردى ەنگىزۋ ءۇشىن پورتال جاساماقپىز. پورتال ارقىلى جاس عالىمدار پىكىر الماسىپ تۇرادى، مۋلتيمەديالىق فايلدار ورناتىلادى. قازىر تىزىمگە 80-نەن استام ادام ءىلىندى» ، - دەدى ش. ءۋاليحانوۆ اتىنداعى تاريح جانە ەتنولوگيا ينستيتۋتى ديرەكتورىنىڭ قوعاممەن بايلانىس جونىندەگى ورىنباسارى اۋەزحان شاشايەۆ.


باستى سوزدەر:
:ءبولىسۋ

اأتور:

novasa

سونداي-اق... وقىڭىز
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات