+7 (701) 759 90 19 Лента
16 °С : نۇر-سۇلتان
18 °С : الماتى
USD 386.91 EUR 428.81
RUB 5.79 CNY 54.79
جاڭالىقتار

جاقسىلىق جاسا: قاراعاندى تۇرعىنى بالالارعا اعىلشىن ءتىلىن تەگىن ۇيرەتپەك

12 اقپان 15:13 344
:ءبولىسۋ
جاقسىلىق جاسا: قاراعاندى تۇرعىنى بالالارعا اعىلشىن ءتىلىن تەگىن ۇيرەتپەك

استانا. قازاقپارات - قاراعاندى قالاسىنىڭ تۇرعىنى كوپبالالى وتباسى بالالارىنا اعىلشىن ءتىلىن اقىسىز ۇيرەتكەلى وتىر، دەپ حابارلايدى قازاقپارات ءتىلشىسى.

استاناداعى بەس بالانىڭ ءولىمى تۋرالى ەستىگەننەن كەيىن ەرلان راحىموۆ قايىرىمدى ءىستى قولعا الۋدى ۇيعارىپتى. وقۋ ورتالىعىنىڭ 35 جاستاعى جەتەكشىسى قاراجاتى از وتباسىلاردىڭ بالالارىنا وسىنداي مۇمكىندىك بەرىپ وتىر.

«استاناداعى جاعدايدان كەيىن جاعىمسىز اقپارات تىم كوپ بولىپ كەتتى. ءبىر جاعىنان، بۇل - وتە قايعىلى جاعداي. «بالىق بەرگەنشە، قارماق بەر» دەگەندەي، مەن از قامتىلعان جانە كوپبالالى وتباسى بالالارىنا اعىلشىن ءتىلىن ۇيرەتۋ دۇرىس دەپ شەشتىم. وسى كومەگىم بالالاردىڭ كەلەشەكتە ۋنيۆەرسيتەتكە تۇسۋىنە جول اشادى دەگەن سەنىمدەمىن. مەنىڭ مەكتەبىمدە 4-5 توپ بار. ءاربىر توپقا 1-2 بالادان الۋعا دايىنمىن» ، - دەيدى ەرلان راحىموۆ.

قاراعاندىلىق جىگىت يگى باستاماسى جايلى ءوزىنىڭ فەيسبۋك پاراقشاسىندا جازدى. قازىردىڭ وزىندە وقۋعا نيەت بىلدىرگەندەر بار بولىپ شىقتى.

«سال اۋرۋىنا شالدىققان كىشكەنتاي قىز حابارلاسىپ، مۇنداي مۇمكىندىكتى باياعىدان بەرى اڭساپ جۇرگەنىن ايتتى. ءبىز ونى ونلاين رەجيمدە وقىتامىز دەپ كەلىستىك. سونىمەن بىرگە، ءۇش ەر بالا توپتارعا قوسىلىپ، وقيتىن بولدى. ءالى دە بالالاردى قابىلداۋعا دايىنبىز. ودان بولەك، بىزدە ەسەپشى، تىگىنشى سەكىلدى ماماندىقتى وقىتاتىن كۋرستار بار. جاقسىلىق جاساي بىلسەك، قورشاعان اينالامىز جاقسارا تۇسەتىن شىعار. بۇل ءىسىمىز بولماشى عانا سياقتى كورىنەر، ءبىراق تامشىدان تەڭىز قۇرالادى ەمەس پە» ، - دەيدى ول.

 ەرلان راحىموۆتىڭ ايتۋىنا قاراعاندا، قازاقستاندا اعىلشىن ءتىلىن مەڭگەرۋ دەڭگەيى ءالى دە تومەن. ءتىلدى جەتىك ءبىلىپ، ەركىن سويلەسە الاتىن ادامدار كوپ ەمەس.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات