+7 (701) 759 90 19
6 °С : نۇر-سۇلتان
13 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

استانادا مۇعالىمدەرگە ارنالعان جاتاقحانا قاشان پايدالانۋعا بەرىلەدى؟

12 اقپان 14:31
:ءبولىسۋ
استانادا مۇعالىمدەرگە ارنالعان جاتاقحانا قاشان پايدالانۋعا بەرىلەدى؟

استانا. قازاقپارات - قالالىق ءبىلىم باسقارماسىنىڭ باسشىسى ءانۋار جانعوزين جاڭا جاتاقحانانى پايدالانۋعا بەرۋ مەرزىمىن اتادى، دەپ حابارلايدى قازاقپارات ءتىلشىسى.

«ءبىز ول جاتاقحانانى ءالى تاپسىرعان جوقپىز. جاقىن ارادا ونى پايدالانۋعا بەرىپ، مۇعالىمدەردى ورنالاستىرۋدى كوزدەيمىز. ول جەردە شامامەن 300 ورىن بار. مەنىڭشە، الداعى ءبىر-ەكى ايدىڭ ىشىندە جاڭا جاتاقحانانى پايدالانۋعا بەرەتىن بولامىز»، - دەدى ءا. جانعوزين قازاقپارات تىلشىسىنە بەرگەن سۇحباتىندا.

ونىڭ ايتۋىنشا، جاڭا جاتاقحانانىڭ ورىندارىن تاراتۋ كەزىندە ماڭىزدى ماماندىقتارعا باسىمدىق بەرىلەدى. «سوسىن ول وتباسىلىق تيپتەگى جاتاقحانا ەمەس. جەكە-جەكە ادامدارعا ارنالعان. سوندىقتان جاس مۇعالىمدەردىڭ تاراپىنان سۇرانىس جوعارى بولادى دەپ ويلايمىز. بالكىم، وقۋدى ەندى اياقتاعان، ءيا بولماسا، ەلورداعا ەندى كوشىپ كەلگەن ماماندار ءۇشىن بۇل جاقسى قولداۋ بولادى»، - دەپ اتاپ كورسەتتى ءا. جانعوزين.

ايتا كەتەيىك، ءبىلىم باسقارماسىنىڭ باسشىسى جاڭا جاتاقحانا تۋرالى وتكەن جىلدىڭ تامىز ايىندا ايتقان بولاتىن. اتالعان قۇرىلىس نىسانى 188 كوشەنىڭ بويىندا (سەيفۋللين كوشەسىنىڭ باسىندا) ورنالاسقان. سول جەرگە اكىمدىك بىلىكتىلىگى جوعارى ءارى تاجىريبەسى بار مۇعالىمدەردى ورنالاستىرۋدى كوزدەيدى. سەبەبى ءدال سونداي ماماندار ەلوردانىڭ ءبىلىم بەرۋ سالاسىن دامىتۋعا ءوز ۇلەستەرىن قوسا الادى. «بۇدان بولەك، ءبىز ايماقتاردان كەلەتىن ماماندارعا حوستەلدەردى ۇسىنامىز. ول جەردە ءبىر جاتىن ورىننىڭ باعاسى 35000 - 45000 مىڭ تەڭگەنىڭ اينالاسىندا. نەگىزى، ونداي جەرلەردە دە جاقسى جاعداي جاسالعان»، - دەگەن ەدى ءا. جانعوزين.

ونىڭ سوزىنە قاراعاندا، الداعى ۋاقىتتا بيۋدجەت سالاسىنىڭ ماماندارى ءۇشىن شاعىن پاتەرلەردى سالۋ جوسپارلانىپ وتىر. «استاناعا جىل سايىن ايماقتاردان 400-500 مۇعالىم كەلەدى. ولاردىڭ بارلىعى جالعىز ەمەس، وتباسىلارى بار. ارينە، ءبارىن جاتاقحانامەن قامتاماسىز ەتۋ مۇمكىن ەمەس. سول سەبەپتى ازىرشە تەك ۇزدىكتەرگە عانا جاتاقحانا بەرەمىز. ماسەلەن، ۋنيۆەرسيتەت تۇلەگى بولسا، ونىڭ جەتىستىكتەرى مەن تاعىلىمداماسى ەسكەرىلەدى. البەتتە، ەڭبەك ءوتىلى بار ماماندارعا دا باسا نازار اۋدارىلادى»، - دەپ اتاپ كورسەتتى ءا. جانعوزين.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات