+7 (701) 759 90 19
7 °С : نۇر-سۇلتان
8 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

قازاقستاندىق بوكسشىلار سوفيادا وتەتىن حالىقارالىق جارىسقا قاتىسادى

12 اقپان 13:55
:ءبولىسۋ
قازاقستاندىق بوكسشىلار سوفيادا وتەتىن حالىقارالىق جارىسقا قاتىسادى

استانا. قازاقپارات - بوكستان قازاقستان ۇلتتىق قۇراماسى سوفيا قالاسىندا وتەتىن ءىرى حالىقارالىق جارىسقا قاتىسادى، دەپ حابارلايدى قازاقپارات ءتىلشىسى.

ۇلتتىق وليمپيادا كوميتەتى حابارلاعانداي، 14- اقپان كۇنى بولگاريا استاناسىندا باستالاتىن تۋرنيردە ەلىمىزدەن ون بوكسشى رينگكە شىعادى. ولاردىڭ اراسىندا 2016-جىلعى ريو وليمپياداسىنىڭ كۇمىس جۇلدەگەرى ۆاسيلي ليەۆيت (91 كەلى)، الەم چەمپيونى قايرات ەراليەۆ (56 كەلى)، قازاقستان قۇراماسىنىڭ كاپيتانى قامشىبەك قوڭقابايەۆ (91+ كەلى) بار.

سونىمەن قاتار، تەمىرتاس ءجۇسىپوۆ (49 كەلى)، ءانۋار مۇزاپپاروۆ (52 كەلى)، زاكىر سافيۋللين (60 كەلى)، ءساناتالى تولتايەۆ (64 كەلى)، ابىلايحان ءجۇسىپوۆ (69 كەلى)، ەرىك ءالجانوۆ (75 كەلى) جانە بەك نۇرماعانبەت (81 كەلى) سىنعا تۇسەدى.

ەسكە سالا كەتەيىك، بۇدان بۇرىن قازاقستاندىق بوكسشىلار ۆەنگريادا وتكەن تۋرنيرگە قاتىسقان بولاتىن. وندا ولار ءۇش التىن، ءبىر-بىردەن كۇمىس جانە قولا مەدالعا يە بولدى.

اتاپ ايتقاندا، ساكەن بيبوسىنوۆ (52 كەلى)، سەرىك تەمىرجانوۆ (60 كەلى)، تۇرسىنباي قۇلاحمەت (75 كەلى) چەمپيون اتانسا، ورازبەك اسىلقۇلوۆ (56 كەلى) كۇمىس، سابىرجان بەكبەرگەنوۆ (64 كەلى) قولا جۇلدەمەن ورالعان ەدى.


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات