دارىگەرلەر وتا جاساۋ ءۇشىن ءسابيدى اناسىنىڭ قۇرساعىنان شىعارىپ، كەيىن قايتا سالىپ قويدى

 استانا. قازاقپارات - ۇلى بريتانيادا دارىگەرلەر وتا جاساۋ ءۇشىن اناسىنىڭ قۇرساعىنداعى ءسابيدى شىعارىپ الىپ، كەيىن قايتا سالىپ قويدى.

بەرنەم قالاسىنىڭ تۇرعىنى بەتان سيمپسوننىڭ ءسابيى ءساۋىر ايىندا ومىرگە كەلۋى ءتيىس. ول دارىگەردىڭ ءجىتى باقىلاۋىندا بولدى. بەسىنشى ايىندا ۋلترا-كۇلگىن ساۋلەگە ءتۇسىپ، بالانىڭ دەنساۋلىعى جاقسى ەكەنىن بىلەدى. ال، تولىق تەكسەرۋدەن وتكەندە دارىگەرلەر بالانىڭ ومىرتقاسى بولىنگەنىن بىلەدى. ول دەفەكت انانىڭ قۇرساعىندا تولىق دامىماي قالعان.

«ماعان ەشقانداي ءادىس قولدانباۋعا نەمەسە جۇكتىلىكتى توقتاتۋعا كەڭەس بەردى. سونىمەن قاتار جاڭا ەرەكشە ءادىس - بالا تۋماي تۇرىپ وعان وتا جاساۋ ءادىسىن ۇسىندى. ءبىز كەلىستىك»، - دەيدى سيمپسون.

ول ءۇشىن بالا مەن انانىڭ دەنساۋلىعىن تولىق تەكسەرىپ الدى.

التى ايلىعىندا وتا جاسالدى. دارىگەرلەر بالانى اناسىىڭ قۇرساعىنان الىپ، جۇلىنىن قالپىنا كەلتىرىپ، كەيىن قايتا جاتىرىنا ورنالاستىردى. وتا ءساتتى ءوتتى.

«انگليادا اناسى بالاسىنىڭ اۋرۋىن بىلگەن سوڭ بالالاردىڭ 80 پايىزى شەتىنەپ كەتەدى»، - دەيدى سيمپسون.

ول انالاردى مۇنداي اۋرۋدان قورىقپاۋعا شاقىردى. قازىر ەمدەۋ ءادىسىنىڭ ناتيجەلى ەكەنىن ايتتى.