سۋ تاسقىنى قاۋپى: ساعىنتايەۆ وبلىس اكىمدەرىنە ناقتى تاپسىرمالار جۇكتەدى
«قازگيدرومەتتىڭ بولجامى بويىنشا كەيبىر وزەندەردە ىلعال قورى نورمادان اسىپ تۇر. قار ءالى دە جاۋىپ جاتىر. ونىڭ ۇستىنە قازىر بولجامداردان كورىپ وتىرمىز، اقپاننىڭ ءۇشىنشى ون كۇندىگىندە اۋا تەمپەراتۋراسى كوتەرىلەدى دەپ كۇتىلۋدە. وسىعان دايىن بولۋمىز قاجەت. سول سەبەپتى اكىمدەرگە ءبىرقاتار تاپسىرما بار. «ءبىرىنشى - تاسقىن قاۋپىنىڭ الدىن الۋ جانە جويۋ بويىنشا جول كارتاسىن ساپالى قامتاماسىز ەتۋ. جۇمىستى ۇيلەستىرۋ ىشكى ىستەر مينيسترلىگىنە جۇكتەلەدى»، - دەپ اتاپ ءوتتى ۇكىمەت باسشىسى.
ەكىنشىدەن، ب. ساعىنتايەۆ اكىمدەرگە يەسىز گيدروقۇرىلعىلاردى كوممۋنالدىق مەنشىككە بەرۋ جۇمىستارىن اياقتاۋدى تاپسىردى.
«ءۇشىنشى - سۋ قورعاۋ ايماقتارى مەن بەلدەۋلەرىندە تۇراتىن ادامدار مەن نىسانداردى قاۋىپسىز جەرگە كوشىرۋ. ءتورتىنشى ىشكى ىستەر مينيسترلىگى اكىمدەرمەن بىرلەسىپ، سۋ تاسقىنى ماۋسىمىنا كۇشتەر مەن قۇرالداردىڭ تولىق دايىندىعىن، قاۋىپ تونگەن جاعدايدا حالىقتى ۋاقىتىلى حاباردار ەتۋدى قامتاماسىز ەتەتىن بولسىن. توتەنشە جاعداي بولعاندا شۇعىل شارا قولدانۋ قاجەت. بۇل ماسەلەلەردىڭ بارلىعى اسقار ۇزاقباي ۇلى ءسىزدىڭ باقىلاۋىڭىزدا»، - دەدى باقىتجان ساعىنتايەۆ ءبىرىنشى ورىنباسارى مامينگە قاراتا.