ەكسپو قالاشىقتاعى پاتەرلەردى ساتۋ قاشان جالعاسادى؟

استانا. قازاقپارات - «بايتەرەك» حولدينگىنىڭ ەنشىلەس ۇيىمى - «بايتەرەك ديەۆەلوپمەنت» ا ق 2019-جىلدىڭ 15- اقپانىندا «ەكسپو-2017» اۋماعىنداعى تۇرعىن ۇيلەردى قايتا ساتا باستايدى، دەپ حابارلايدى قازاقپارات ءتىلشىسى ۇيىمنىڭ باسپا ءسوز قىزمەتىنە سىلتەمە جاساپ.

باسپا ءسوز قىزمەتى اتاپ وتكەندەي، جاڭا تەتىكتىڭ ارقاسىندا باسپانالاردى %3 بەن 12 جىلعا ءبولىپ تولەۋ ارقىلى ساتىپ الۋعا بولادى.

«ءبولىپ تولەۋ تەتىگى بويىنشا ءبىر وتباسى تەك 1 پاتەر الا الادى»، - دەلىنگەن حابارلامادا.

ەسكە سالايىق، ق ر يندۋستريا جانە ينفراقۇرىلىمدىق دامۋ ۆيتسە-ءمينيسترى قايىربەك وسكەنبايەۆ ەكسپو قالاشىقتاعى پاتەرلەر ساتىلىمىنا ءوتىنىش قابىلداۋ پروتسەسىنىڭ نەلىكتەن توقتاپ تۇرعانىن تۇسىندىرگەن ەدى.

حابارلانعانداي، «بايتەرەك» حولدينگىنىڭ ەنشىلەس ۇيىمى - «بايتەرەك ديەۆەلوپمەنت» ا ق استاناداعى ەكسپو تۇرعىن ءۇي كۆارتالىندا جىلجىمايتىن مۇلىكتى ساتىپ الۋعا وتىنىشتەر قابىلداۋدى باسپانانى ساتۋ تەتىگىن قايتا قاراۋعا بايلانىستى ۋاقىتشا توقتاتقان ەدى.