+7 (701) 759 90 19
7 °С : نۇر-سۇلتان
8 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

ۇكىمەت باسشىسى ىشكى ىستەر ءمينيسترىنىڭ ورىنباسارىنا سوگىس جاريالاۋدى ۇسىندى

12 اقپان 12:28
:ءبولىسۋ
ۇكىمەت باسشىسى ىشكى ىستەر ءمينيسترىنىڭ ورىنباسارىنا سوگىس جاريالاۋدى ۇسىندى

استانا. قازاقپارات - ق ر ىشكى ىستەر ءمينيسترىنىڭ ورىنباسارى يۋري يلينگە سوگىس جاريالاۋ جونىندەگى ۇسىنىستى پرەزيدەنت اكىمشىلىگىنە ەنگىزۋ قاجەت.

بۇگىن ۇكىمەت وتىرىسىندا پرەمەر-مينيستر باقىتجان ساعىنتايەۆ ىشكى ىستەر ءمينيسترى قالمۇحانبەت قاسىموۆقا وسىنداي تاپسىرما جۇكتەدى، دەپ حابارلايدى قازاقپارات ءتىلشىسى.

«ىشكى ىستەر مينيسترىنە ۇيىمداستىرۋ جانە تارتىپتىك شارالارىن ازىرلەپ ىسكە اسىرۋدى تاپسىرامىن. ءورت قاۋىپسىزدىگى جانە ونىڭ الدىن الۋ جۇمىسىن تيىسىنشە اتقارماعانى، باقىلاۋ جۇرگىزبەگەنى ءۇشىن ءى ءى م ورىنباسارى يۋري يلينگە سوگىس جاريالاۋ جونىندەگى ۇسىنىستى پرەزيدەنت اكىمشىلىگىنە ەنگىزۋىڭىزدى تاپسىرامىن. ويتكەنى، ءى ءى م ورىنباسارى پرەزيدەنتتىڭ وكىمىمەن بەكىتىلگەن»، - دەپ اتاپ ءوتتى باقىتجان ساعىنتايەۆ.

سونىمەن قاتار ول وڭىرلەردەگى ءورت قاۋىپسىزدىگى مەن سۋ تاسقىنىنان قورعانۋ جۇمىسىندا كوڭىل ءبولۋدى تالاپ ەتەتىن پروبلەمالاردىڭ بار ەكەنىن باسا ايتتى.

«سول سەبەپتى ىشكى ىستەر مينيسترلىگى مەن بارلىق اكىمدەرگە تۇرعىن ۇيلەردەگى ءورت قاۋىپسىزدىگى ماسەلەسىن جىلىتۋ ماۋسىمىنىڭ سوڭىنا دەيىن باقىلاۋدى تاپسىرامىن. تۇرعىن ءۇي الابىنداعى ءورتتىڭ الدىن الۋ جۇمىسىن جالعاستىرۋ قاجەت. اسىرەسە، كوپبالالى جانە از قامتىلعان وتباسىلارمەن مۇگەدەكتەر مەن قارتتار تۇراتىن ۇيلەر ءجىتى نازاردا بولۋى ءتيىس»، - دەدى پرەمەر-مينيستر.

سونىمەن قاتار پرەمەر-مينيستر توتەنشە جاعدايلار كوميتەتىنىڭ ءتوراعاسى ۆلاديمير بەككەرگە جانە استانا قالالىق توتەنشە جاعدايلار دەپارتامەنتىنىڭ مىندەتىن اتقارۋشى مارعۇلان امانبايەۆقا قاتاڭ سوگىس جاريالادى. ال توتەنشە جاعدايلار كوميتەتى ءتوراعاسىنىڭ ورىنباسارى بارات دۇزاقبايەۆتى قىزمەتىنەن بوساتتى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات