ۇلتتىق بانك تەڭگەنىڭ نىعايۋىنا نە سەبەپ بولعانىن ايتتى

استانا. قازاقپارات - تەڭگەنىڭ نىعايۋىنا مۇناي نارىعىنداعى جاعىمدى كونيۋكتۋرا سەبەپ بولدى. بۇل تۋرالى بۇگىن ۇكىمەت وتىرىسىندا ق ر ۇلتتىق بانك ءتوراعاسى دانيار اقىشەۆ ايتتى، دەپ حابارلايدى قازاقپارات ءتىلشىسى.

«جىل باسىنان باستاپ تەڭگەنىڭ دوللارعا شاققاندا نىعايۋى بايقالادى. 8- اقپاندا تەڭگە باعامى 1,4 پايىزعا نىعايىپ، ءبىر دوللار ءۇشىن 378,73 تەڭگە بولدى. بۇل مۇناي نارىعىنداعى جاعىمدى كونيۋنكتۋرا جانە رەسەي رۋبلىنىڭ نىعايۋى اياسىندا ورىن الۋدا»، - دەدى ۇ ب ءتوراعاسى.

وسى رەتتە ول ۇلتتىق بانك ەركىن وزگەرمەلى ايىرباستاۋ باعامىن جالعاستىراتىندىعىن ايتتى. ۇلتتىق بانكتىڭ نەتتو-ينتەرۆەنتسياسى قاڭتاردا نولگە تەڭ بولعانىن ەسكە سالدى.

«ۇلتتىق بانكتىڭ التىن-ۆاليۋتا رەزەرۆتەرى قاڭتاردىڭ سوڭىندا 30,6 ميلليارد دوللار، ۇلتتىق قوردىڭ اكتيۆتەرى 58,2 ميلليارد دوللار بولدى. جالپى حالىقارالىق رەزەرۆتەر 88,8 ميلليارد دوللاردى قۇرادى»، - دەدى د. اقىشەۆ.