ۇكىمەت باسشىسى ءبىرقاتار وبلىس اكىمىنە قۇرىلىستى جانداندىرۋدى تاپسىردى
«قازىر باياندامالاردان كورىپ وتىرعانىمىزداي، قاڭتار ايىنىڭ قورىتىندىسى بويىنشا ەكونوميكالىق ءوسىمنىڭ باسەڭدەۋى بايقالادى. دەگەنمەن، جىل جاڭادان باستالدى، جۇمىستى رەتكە كەلتىرۋ قولىمىزدا. ماسەلە نەگىزىنەن قۇرىلىس سالاسىنا بايلانىستى. باياندامادا كورسەتىلگەندەي، قىزىلوردا، س ق و، ب ق و، ماڭعىستاۋ، اقمولا وبلىستارىندا جانە استانا قالاسىندا قۇرىلىس جۇمىستارىنىڭ تومەندەپ كەتۋى بايقالادى. جىلدىڭ باسى، وڭىرلەردەگى ارىپتەستەر مۇنى ءبىر قالىپقا كەلتىرۋلەرىڭىزدى سۇرايمىز. جەكە وزدەرىڭىزدىڭ باقىلاۋلارىڭىزعا الىڭىزدار»، - دەدى ۇكىمەت باسشىسى.
سونىمەن قاتار پرەمەر-مينيستر وتكەن جىلدىڭ قاراشا ايىندا «ارسەلور ميتالل تەمىرتاۋ» كاسىپورنىندا اپات ورىن العانىن ەسكە سالدى. وسى رەتتە يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەككە قاراعاندى وبلىسىنىڭ اكىمدىگىمەن بىرگە قاجەتتى جۇمىستاردى قولعا الىپ، زاۋىتتاعى ءونىم شىعارۋ كولەمىن قالپىنا كەلتىرۋدى تاپسىردى.
«باسقا باعىتتار بويىنشا ەشقانداي كەدەرگى جوق، تاپسىرما بەرىلدى. ەلباسىنىڭ ۇكىمەتتىڭ كەڭەتىلگەن وتىرىسىندا قويعان تاپسىرمالارىن ورىنداۋعا مۇمكىنشىلىگىمىز بار. رەزەرۆ جەتكىلىكتى. تەك قانا بىرىگىپ، جۇمىسىمىزدى ودان ارى قاراي جالعاستىرۋىمىز قاجەت. اسقار ۇزاقباي ۇلى، ادەتتەگىدەي بۇل سۇراق بويىنشا وڭىرلەرمەن بىرلەسە وتىرىپ، ءاربىر سالا بويىنشا باقىلاۋدى قولعا الۋىڭىزدى سۇرايمىن»، - دەدى باقىتجان ساعىنتايەۆ ءبىرىنشى ورىنباسارى مامينگە قاراتا.