اتاقتى «قارا مايور» ومىردەن وزدى
بۇل اقپاراتتى الماتى اكىمشىلىگىنىڭ جانىنداعى اۋعانستانداعى سوعىس ارداگەرلەرى جانە مۇگەدەكتەرى بىرلەستىكتەرىنىڭ ۇيلەستىرۋشى كەڭەس ءتوراعاسى مۇرات ابدىشۇكىروۆ راستادى.
«ءيا، اۋىر سىرقاتتان بۇگىن تاڭەرتەڭ قايتىس بولدى. قاشان، قالاي جەرلەنەتىنى تۋرالى بۇگىن جينالىستا تالقىلايتىن بولامىز»، - دەدى م. ابدىشۇكىروۆ.
بوريس توكەن ۇلى كەرىمبايەۆ 1948-جىلى 12- قاڭتاردا الماتى وبلىسىنىڭ جامبىل اۋدانىندا دۇنيەگە كەلگەن. 1970-جىلى ۆ. ي. لەنين اتىنداعى تاشكەنت اسكەري ۋچيليشەسىن ءتامامداعان. 1980-1983-جىلدارى اۋعان سوعىسىنا قاتىسىپ، ارنايى تاپسىرمالاردى ورىندايتىن مۇسىلمان باتالونىنىڭ كومانديرى بولدى. ساۋاتتى باسشىلىقتىڭ ارقاسىندا باتىر كومانديردىڭ ساربازدارى از شىعىنعا ۇشىراپ، كوبىنەسە جەڭىسكە جەتىپ وتىرعان. پاندشەر شاتقالىندا مودجاحەدتەردىڭ اتاقتى قولباسشىسى احماد شاح ماسۋدتىڭ اسكەرىمەن سوعىسقان.
ونىڭ ەرلىگى اڭىزعا اينالىپ «قارا مايور» دەگەن لاقاپ اتى كۇللى ايماققا جايىلعان. 1992-جىلى دەنساۋلىعىنا بايلانىستى پولكوۆنيك شەنىمەن وتستاۆكاعا شىقتى. باتىر تۋرالى «قارا مايور» فيلمى تۇسىرىلگەن.