قازاقستاندىق وقۋشىلار حالىقارالىق جارىستا جەڭىمپاز اتاندى
ۇستىمىزدەگى جىلدىڭ 9- اقپانىندا ۇلى بريتانيا استاناسىندا وتكەن حالىقارالىق جارىسقا بارلىعى 32 كوماندا قاتىستى. ونىڭ 24 ءى ۇلى بريتانيادان، 6 ۋى تۇركيادان جانە 2 ءۋى قازاقستاننان. ءبىزدىڭ ەلدەن قاتىسقان ەكى كوماندانىڭ ءبىرى ۇلداردان قۇرالعان، ونىڭ قۇرامىندا باقتيار تەمىروۆ پەن جانىبەك مانابەكوۆ بولسا، ەكىنشىسى قىزدار كومانداسى ، وندا ديلناز قامالوۆا، ليۋبوۆ دۋدچەنكو جانە ماليكا بورىبايەۆا ەسىمدى جەرلەستەرىمىز بولدى.
ۇلدار كومانداسى جۇپتىق جارىستا 2- ورىن يەلەنسە، ال جەكە جارىستا (Skills challenge) جىگىتتەر 1- ورىندى قانجىعالادى. قىزدار دا كوماندالىق ەسەپتە 2- ورىنعا تۇراقتاپ، ودان بولەك سايىس تورەشىلەرى قىزداردىڭ جۇمىسىن جوعارى باعالاپ، ۇزدىك ديزاين (Judges Award) ەرەكشە سىيلىعىن تابىس ەتتى.
وسىلايشا، قازاقستاندىق وقۋشىلار كومانداسى لوندوندا وتكەن روبوتوتەحنيكا بويىنشا وتكەن جارىستان (Skills Challenge and Judges Award) ەكى 1- ورىن جانە ەكى 2- ورىن جۇلدەسىمەن ورالدى.