قازاقستاندىق مەرگەن قىز حالىقارالىق سىندا كۇمىس جۇلدە الدى

استانا. قازاقپارات - كۋۆەيتتە ستەند اتۋ مەن نىسانا كوزدەۋ سپورتىنان ءىرى حالىقارالىق تۋرنير وتۋدە، دەپ حابارلايدى Olympic.kz.

قازاقستان قورجىنىنا العاشقى جۇلدە ءتۇستى. ۆيولەتتە ستاروستينا تۋرنيردىڭ كۇمىس جۇلدەگەرى اتاندى.

قازاقستاندىق سپورتشى پنيەۆماتيكالىق ۆينتوۆكامەن (10 مەتر) اتۋدا ەكىنشى ناتيجەنى كورسەتتى. ال فينالعا دەيىنگى ىرىكتەۋ كەزەڭىندە ول ءۇشىنشى ورىننان كورىنگەن ەدى.

ءبىرىنشى ورىندى سەربيالىق اندرەا ارسوۆيا، ءۇشىنشى ورىندى باحرەيندىك سارا الدوساري يەلەندى.