ءبيداي ەكسپورتى بويىنشا يرانمەن كەلىسىمگە قول قويىلادى

None
None
استانا. قازاقپارات - بيىل اقپاندا قازاقستان مەن رەسەي ءبيداي جەتكىزۋ بويىنشا يرانمەن كەلىسىمگە قول قويادى.

بۇل تۋرالى سەناتتاعى ۇكىمەت ساعاتىنان كەيىن تىلشىلەرگە ق ر اۋىل شارۋاشىلىعى ۆيتسە-ءمينيسترى گۇلميرا يسايەۆا ءمالىم ەتتى، دەپ حابارلايدى قازاقپارات.

ونىڭ سوزىنە قاراعاندا، بۇل كەلىسىم ءۇشىنشى ەلدەرگە بىرلەسكەن ءونىم ەكسپورتىنا دا باعىتتالىپ وتىر.

«قول قويىلعان كەلىسىمنىڭ (ەركىن ساۋدا ايماعى تۋرالى) اجىراماس بولىگى بولاتىن ءتيىستى قۇجات دايىندالاتىندىعى تۋرالى شەشىم قابىلداندى. وعان قازاقستان، رەسەي جانە يران قاتىسادى. بۇل كەلىسىم دايىندالدى. وعان رەسمي قول قويۋ ءراسىمى 12- اقپاندا ماسكەۋدە وتپەك»، - دەدى گ. يسايەۆا.

اتالعان كەلىسىم كوپ جىلدارعا ارنالعانىنا توقتالعان ول، «ەگەر دە تاراپتاردىڭ ءبىرى قۇجاتتى قايتا قاراستىرعىسى كەلسە، وندا ءتيىستى شارالار قابىلدانادى»، - دەدى.

ۆيتسە-ءمينيستردىڭ ايتۋىنشا، سوڭعى ءۇش جىلدا يران استىق يمپورتىنا شەكتەۋ ەنگىزگەن، سەبەبى بۇل ەل ءوزىن تولىقتاي قامتاماسىز ەتە الادى. بۇگىندە 12 ميلليون توننا ءونىم ءوندىرىپ كەلەدى. دەگەنمەن دە اتالعان كەلىسىم بىرلەسە ءۇشىنشى نارىقتارعا شىعۋعا جول اشادى.

«يران ماڭىندا ورنالاسقان ەلدەر الەمدەگى بارشا استىق پەن ۇن ەكسپورتىنىڭ 70 پايىزىن تۇتىنادى. سايكەسىنشە، قازاقستاننىڭ جانە رەسەيدىڭ بيدايىمەن ەكسپورتقا بىرلەسە شىعۋدىڭ بىرەگەي مۇمكىندىگى بار»، - دەدى گۇلميرا يسايەۆا.

سوڭعى جاڭالىقتار