08:31, 08 - اقپان 2019 | GMT +6
قازاقستاندىق ساربازدار «دالا قىرانى» وقۋ-جاتتىعۋىنا قاتىسادى
الماتى. قازاقپارات - الماتىدا «دالا قىرانى-2019» تاكتيكالىق- ارنايى بىتىمگەرلىك وقۋ-جاتتىعۋىن وتكىزۋ بويىنشا كونفەرەنسيا ءوتتى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.
«بەيبىتشىلىك ءۇشىن سەرىكتەستىك» وقۋ ورتالىعىنىڭ بازاسىندا ۇلى بريتانيا، قازاقستان، قىرعىزستان، ا ق ش، تاجىكستان جانە تۇركيا قارۋلى كۇشتەرىنىڭ، ناتو شتاب-پاتەرى وكىلدەرىنىڭ قاتىسۋىمەن «دالا قىرانى-2019» تاكتيكالىق-ارنايى بىتىمگەرلىك وقۋ-جاتتىعۋىن وتكىزۋ بويىنشا باستى جوسپارلى كونفەرەنسيا ءوتتى.
كونفەرەنسيا بارىسىندا تاراپتار اكىمشىلىك، مەديتسينالىق، تىلداعى جانە اسكەري-تەحنيكالىق قامسىزداندىرۋ ماسەلەلەرىن تالقىلادى. التى ەلدىڭ اسكەري قۇرىلىمدارى قاتىساتىن وقۋ-جاتتىعۋ بيىل ماۋسىمدا قازاقستان رەسپۋبليكاسىندا وتەدى دەپ جوسپارلانۋدا.
قازاقستان قارۋلى كۇشتەرىنەن 120 اسكەري قىزمەتشى قاتىسادى. الداعى كەزدەسۋ ناتيجەسىندە وقۋ-جاتتىعۋعا دايىنداۋ بويىنشا ءارى قاراي جۇمىستار جۇرگىزۋ ءۇشىن جەتەكشى قۇجاتقا قول قويىلادى.