ماسكەۋدە «ۇلى دالا التىنى» كورمەسى وتەدى

None
None
استانا. قازاقپارات - ناۋرىز ايىنىڭ 2-20 كۇندەرى ارالىعىندا ماسكەۋ قالاسىنداعى رەسەي زاماناۋي تاريحى مەملەكەتتىك ورتالىق مۇراجايىندا «ۇلى دالا التىنى» اتتى كورمە وتەدى، دەپ حابارلايدى قازاقستاننىڭ رەسەيدەگى ەلشىلىگىنىڭ رەسمي سايتىنا سىلتەمە جاساعان «قازاقپارات» ح ا ا.

«ۇلى دالا التىنى» كورمەسى كورەرمەندەرىن 2500 جىل بۇرىن ۋاقىتقا اكەتىپ، پاتشالاردىڭ ولمەي، جەراستى سارايلارىنا ماڭگىلىك ۇيقىعا كەتكەن كەزدى كورسەتەدى.

مۇنداي بىرەگەي قورعاندار شىعىس قازاقستاندا ورنالاسقان. ولار «پاتشالار القابى» دەپ اتالىپ كەتكەن. بەرەل القابىندا قازبا جۇمىستارىن جۇرگىزگە كەزدە، ارحەولوگتار وندا ەكى مىڭ جىل وتسە دە وتە جاقسى ساقتالعان بىرەگەي قورىمداردى انىقتاعان.

«ۇلى دالا التىنى» كورمەسىندە سول ۋاقىتتاعى اتتى جانە ات ابزەلدەرىن، سونداي-اق التىن ادامدى، ءبىزدىڭ زامانىمىزداعى جوعارى تەحنولوگيالار كەزىندە دە جاسالا قويمايتىن بىرەگەي تەحنيكامەن ورىندالعان كوپتەگەن اشەكەي بۇيىمدار، سەمسەرلەر مەن قانجارلار، ەرتە زامانداعى ادامداردىڭ مۇسىندەرى مەن ەڭبەك قارۋلارىن تاماشالاۋعا بولادى.

سوڭعى جاڭالىقتار