استانا ماڭىنداعى اۋىلدارعا قاتىنايتىن اۆتوبۋستار توقتاتىلدى

استانا. قازاقپارات - قاتتى ايازعا بايلانىستى استانا ماڭىنداعى اۋىلدارعا قاتىنايتىن ەكسپرەسس (جەدەل) اۆتوبۋس باعدارلارى توقتاتىلدى، دەپ حابارلايدى قازاقپارات استانا LRT كومپانياسىنا سىلتەمە جاساپ.

«اۋا رايىنىڭ قولايسىزدىعىنا بايلانىستى قالا ماڭىنا قاتىنايتىن 300، 305، 308، 309، 312، 315، 317 ءنومىرلى باعدارلاردىڭ قوزعالىسى ۋاقىتشا توقتاتىلدى. سونىمەن قاتار  301، 302، 303، 304، 306، 307، 310، 311، 313، 316، 318، 320 باعدارلاردىڭ قوزعالىسى جالعاسۋدا»، - دەلىنگەن حابارلامادا.

جولاۋشى تاسىمالداۋ كومپانياسى تۇرعىندارعا بارىنشا ساق بولىپ، توڭىپ قالماۋدى، باراتىن جەرىن الدىن الا ويلاستىرىپ الۋدى سۇرايدى.

اۆتوبۋستىڭ قوزعالىسى قالپىنا كەلتىرىلگەندىگى جايىندا قوسىمشا حابارلاناتىن بولادى.

استاناداعى قوعامدىق كولىككە قاتىستى جاڭالىقتاردى كومپانيانىڭ الەۋمەتتىك جەلەدەگى پاراقشالارىنان نەمەسە alrt.kz سايتىنان بىلۋگە بولادى.