توعىز وڭىردە اۆتوجولدار جابىق
«قازاقاۆتوجول» ر م ك- نىڭ مالىمەتىنشە، اقمولا وبلىسىندا بارلىق باعىتتار بويىنشا تراسسالار جابىلدى.
سونداي-اق استانا قالاسىنان شىعاتىن بارلىق جولدارمەن قوزعالىس توقتاتىلدى.
قوستاناي وبلىسىندا ساعات 20.00-دەن باستاپ رەسپۋبليكالىق ماڭىزى بار اۆتوجولدار جابىق. بەنزينمەن جۇرەتىن كولىكتەر ءۇشىن عانا «قوستاناي- رۋدنىي» جانە «قوستاناي- قارابالىق» ىشكى تراسسالارى اشىق.
شىعىس قازاقستان وبلىسىندا ايازعا بايلانىستى ديزەلدى جانە قوعامدىق كولىكتەر ءۇشىن رەسپۋبليكالىق جانە وبلىستىق ماڭىزى بار اۆتوجولداردا شەكتەۋ ەنگىزىلدى.
سولتۇستىك قازاقستان وبلىسىندا ەكىنشى كۇن قاتارىنان بارلىق جولداردا قوزعالىسقا تىيىم سالىنۋدا.
سونداي-اق پاۆلودار وبلىسىنان شىعاتىن بارلىق جولدار جابىلدى.
قاراعاندى وبلىسىندا «ەكاتەرينبۋرگ- الماتى» تراسساسىنىڭ «قاراعاندى- بالقاش» بولىگىندە دە شەكتەۋلەر ەنگىزىلدى.
الماتى وبلىسىندا «الماتى- وسكەمەن» جولىنىڭ ء«ۇشارال- شقو شەكاراسى» بولىگى، «ءۇشارال- دوستىق» تراسساسىنىڭ «كوكتاۋما اۋىلى- دوستىق اۋىلى» ۋچاسكەسى جابىلدى.
جامبىل وبلىسىنىڭ قورداي اۋدانىندا قالىڭ قار مەن بۇرقاسىن سالدارىنان «الماتى- تاشكەنت- تەرمەز» رەسپۋبليكالىق اۆتوجولىنىڭ 159-238 (قوردايدىڭ جاڭا اسۋى) شاقىرىم ارالىعى بارلىق كولىك تۇرلەرى ءۇشىن جابىلدى. كەيىن وسى رەسپۋبليكالىق جولدىڭ 536-593 شاقىرىمىندا (جامبىل اۋدانىنداعى ايشا ءبيبى اۋىلىنان تۇركىستان وبلىسىنىڭ شەكاراسىنا دەيىن) بارلىق اۆتوكولىك تۇرلەرىنىڭ قوزعالىسىنا تىيىم سالىندى.