قانداستار اراسىندا شاعىن فۋتبولدان ءداستۇرلى «الاش» تۋرنيرى وتپەك
2019 -جىلدىڭ 9 - اقپانىندا وتەتىن جارىسقا 12 كوماندا قاتىسىپ، باقتارىن سىناماق. بەس جىلدان بەرى ءداستۇرلى تۇردە وتكىزىلىپ كەلە جاتقان شارا ەلىمىزدىڭ بۇقارالىق سپورتىن دامىتۋ مەن جاستار اراسىندا سالاۋاتتى ءومىر سالتىن ناسيحاتتاۋعا باعىتتالعان.
تۋرنير قالالىق، رەسپۋبليكالىق جانە حالىقارالىق ءۇش ساتىنى قامتيتىن بولعاندىقتان، ەلورداسى استانا قالاسىنان باستاۋ الىپتى. بۇگىندە شەتەلدەگى قازاق جاستارى دا «Alash» تۋرنيرىنە قىزۋ دايىندىق ۇستىندە. ولاردىڭ اراسىنداعى جەڭىمپاز كوماندالار حالىقارالىق قورىتىندى جارىسقا شاقىرىلاتىن بولادى.
«ەلگە ورالعان قانداستارىمىزعا قولداۋ كورسەتىپ، ولاردىڭ قازاقستان قوعامىنا كىرىگۋىنە جاعداي جاساۋ - «وتانداستار» قورىنىڭ باسىم باعىتتارىنىڭ ءبىرى. الەمگە تارىداي شاشىلعان قانداستارىمىزدىڭ كوكبايراقتى تاۋەلسىز ەلىمىزدىڭ استاناسىندا باس قوسىپ، ءبىر ماقسات، ءبىر نيەتپەن قاۋىشار كۇنى بارشامىز ءۇشىن قۋانىش دەپ سانايمىز» ، - دەيدى وتانداستار قورىنىڭ مەنەدجەرى، جوبا جەتكەشىسى، اقىن تالاپبەك تىنىسبەك ۇلى.
سپورتتىق شارا، 9 - اقپان كۇنى 9:00 دە « كەدەن» سپورت كەشەنىندە باستالادى.
اۆتورى: ريزابەك نۇسىپبەك ۇلى