ەلباسى تاجىكستان، جاپونيا، چەحيا، ۆەتنام، حورۆاتيامەن اراداعى قارىم-قاتىناسقا توقتالدى

None
None
استانا. قازاقپارات - جاپون كومپانيالارىنىڭ قازاقستان نارىعىنا كىرۋىنە مۇددەلىك تانىتامىز.

بۇل تۋرالى بۇگىن اقوردادا ءبىرقاتار شەتەل ەلشىسىنەن سەنىم گراموتاسىن قابىلداعان ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.

«ءبىز تاجىكستانمەن ءداستۇرلى ىنتىماقتاستىق پەن ستراتەگيالىق سەرىكتەستىكتى دامىتۋعا زور ءمان بەرەمىز. بۇل رەتتە تاجىكستان پرەزيدەنتى ەمومالي راحموننىڭ استاناعا وتكەن جىلعى رەسمي ساپارىن ايرىقشا اتاپ وتكىم كەلەدى. استانا مەن دۋشانبە اراسىندا ت م د، ۇ ق ش ۇ، ش ى ۇ جانە باسقا دا حالىقارالىق قۇرىلىمدار اياسىنداعى سەرىكتەستىكتى قارقىندى نىعايتۋدامىز. وسى رەتتە تاجىكستانعا ازياداعى ءوزارا ىقپالداستىق پەن سەنىم شارالارى كەڭەسىندەگى ءتوراعالىعىنا تابىس تىلەي وتىرىپ، اتالعان باعىتتا بىرگە جۇمىس ىستەۋگە دايىنبىز»، - دەدى نۇرسۇلتان نازاربايەۆ.

ەلباسى جاپونيامەن جان-جاقتى ديالوگتى دامىتۋ قازاقستان سىرتقى ساياساتىنىڭ باسىم باعىتتارىنىڭ ءبىرى ەكەندىگىن اتاپ ءوتتى.

«بىلتىر بريۋسسەلدە وتكەن اسەم سامميتىندە پرەمەر-مينيستر سيندزو ابەمەن جۇزدەسىپ، ەكى مەملەكەت اراسىنداعى ىنتىماقتاستىقتى دامىتۋعا ۋاعدالاستىق. ءبىز جاپوندىق كومپانيالاردىڭ قازاقستان نارىعىنا اتسالىسۋىنا مۇددەلىمىز، بارىنشا جاعداي جاساۋعا دايىنبىز. وعان ەكى ەلدىڭ اراسىندا تىكەلەي اۋە رەيستەرىن اشۋ زور سەپتىگىن تيگىزەدى»، - دەدى مەملەكەت باسشىسى.

ن. نازاربايەۆ چەحيا پرەزيدەنتى ميلوش زەماننىڭ ەلوردادا وتكەن «ەكسپو-2017» كورمەسىنە كەلۋى ەكىجاقتى بايلانىستاردىڭ دامۋىنا سەرپىنىن تيگىزگەندىگىن اتاپ ءوتتى. سونىمەن قاتار سوڭعى جىلدارى حورۆاتيا رەسپۋبليكاسىمەن بايلانىستار ايتارلىقتاي نىعايا تۇسكەندىگىن ايتتى.

«بۇگىنگى تاڭدا ۆەتنام قازاقستاننىڭ وڭتۇستىك شىعىس ازياداعى نەگىزگى ارىپتەستەرىنىڭ ءبىرى. مەن ۆەتنامدا بولىپ، ەل باسشىلارىمەن كەزدەستىم، كەلىسسوزدەر ءوتتى. ءسىزدىڭ ەلىڭىزدىڭ پرەمەر-ءمينيسترى دە قازاقستانعا بىرنەشە مارتە كەلدى. مەنى ۆەتنامعا ساپارمەن كەلۋگە شاقىرعان بولاتىن، ەسىمدە»، - دەدى ەلباسى.

ايتا كەتەيىك، بۇگىن اقوردادا ەلباسى نۇرسۇلتان نازاربايەۆ ۆەتنام سوتسياليستىك رەسپۋبليكاسىنىڭ ەلشىسى نگۋەن تحي حونگ واننان، حورۆاتيا رەسپۋبليكاسىنىڭ ەلشىسى رەفيك شابانوۆيچتەن، جاپونيا ەلشىسى تاتسۋحيكو كاسايدان، چەح رەسپۋبليكاسىنىڭ ەلشىسى رۋدولف گيكلدەن، تاجىكستان رەسپۋبليكاسىنىڭ ەلشىسى حايرۋللو يبودزودالان سەنىم گراموتاسىن قابىلدادى.

سوڭعى جاڭالىقتار