استاناداعى ۆوكزال مەن اۋەجاي تۇراقتارى تەگىن قىزمەت كورسەتۋدە

استانا. قازاقپارات - اۋا رايىنىڭ ناشارلاۋىنا بايلانىستى ەلورداداعى ەسكى تەمىرجول ۆوكزالى مەن اۋەجايدىڭ اقىلى تۇراقتارىنداعى بارلىق شلاگباۋمدار كوتەرىلىپ، كولىك يەلەرىنە تولەمسىز قىزمەت كورسەتىلۋدە، دەپ حابارلايدى قازاقپارات استانا و ر ت كومپانياسىنىڭ فەيسبۋكتەگى پاراقشاسىنا سىلتەمە جاساپ.

«ساعات 20:30 دا اۋا رايىنىڭ ناشارلاۋىنا جانە اۋا تەمپەراتۋراسىنىڭ تومەندەۋىنە بايلانىستى ەسكى تەمىرجول ۆوكزالى مەن اۋەجايدىڭ اقىلى تۇراقتارىنداعى بارلىق شلاگباۋمدار كوتەرىلەدى. تالوندار مەن تولەمسىز كىرۋ/شىعۋ قىزمەتتەرى جۇزەگە اسىرىلاتىن بولادى»، - دەلىنگەن حابارلامادا.

بۇدان بولەك، اۋا رايىنىڭ ناشارلاۋىنا بايلانىستى ەلوردا اۋەجايىنان شىمكەنت، ىستانبۇل جانە ماسكەۋ باعىتىنا ۇشاق ۇشا الماي جاتىر. ازاماتتىق اۆياتسيا كوميتەتىنىڭ فەيسبۋكتەگى رەسمي پاراقشاسىندا جاريالانعانداي، استانا-شىمكەنت باعىتىنداعى ك س341 رەيسى مەن استانا-شەرەمەتيەۆا باعىتىنداعى ك س873 رەيستەرى ۇشاق سىرتىنا ارنايى سۇيىقتىق شاشىلعاننان كەيىن تۇراق ورنىنا جەتكىزىلگەن.