قازاقستاندا ەڭ تومەنگى كۇنكورىس دەڭگەيى وزگەردى
نەگىزگى تاماق ونىمدەرىن تۇتىنۋدىڭ ەڭ تومەنگى نورمالارىنان ەسەپتەلگەن ورتا ەسەپپەن حالىقتىڭ جان باسىنا شاققانداعى ەڭ تومەن كۇنكورىس دەڭگەيىنىڭ شاماسى 2019 -جىلعى قاڭتاردا 2018 -جىلعى جەلتوقسانمەن سالىستىرعاندا 1,8 پايىزعا جوعارىلادى.
ونىڭ قۇرىلىمىندا ەت پەن بالىقتى ساتىپ الۋعا جۇمسالعان شىعىستاردىڭ ۇلەسى 20,5 پايىز، ءسۇت، توڭ ماي ونىمدەرى مەن جۇمىرتقا 16,5 پايىز، جەمىستەر مەن كوكونىستەر 8,3 پايىز، نان جانە جارما ونىمدەرى 7,5 پايىز، قانت، شاي جانە دامدەۋىشتەر 2,2 پايىز بولدى.
ەڭ تومەن كۇنكورىس دەڭگەيى - شاماسى بويىنشا ەڭ تومەن تۇتىنۋ سەبەتىنىڭ قۇنىنا تەڭ، ءبىر ادامعا ارنالعان ەڭ تومەن اقشالاي كىرىس.
ەڭ تومەن تۇتىنۋ سەبەتى ادامنىڭ تىنىس- تىرشىلىگىن قامتاماسىز ەتۋ ءۇشىن قاجەتتى تاماق ونىمدەرىنىڭ، تاۋارلار مەن كورسەتىلەتىن قىزمەتتەردىڭ زاتتاي جانە قۇن تۇرىندەگى ەڭ تومەن جيناعىن بىلدىرەدى. ول ازىق-تۇلىك سەبەتىنەن جانە ازىق-تۇلىك ەمەس تاۋارلار مەن كورسەتىلەتىن قىزمەتتەرگە جۇمسالاتىن شىعىستاردىڭ تىركەلگەن ۇلەسىنەن تۇرادى.
ەڭ تومەن كۇنكورىس دەڭگەيىن ەسەپتەۋگە ارنالعان از تۇتىنىلاتىن ازىق-تۇلىك ەمەس تاۋارلار مەن كورسەتىلەتىن قىزمەتتەرگە جۇمسالاتىن شىعىستاردىڭ ۇلەسى ەڭ تومەنگى تۇتىنۋ سەبەتى قۇنىنىڭ 45 پايىزدىق مولشەرىندە بەلگىلەنگەن.