15:21, 05 - اقپان 2019 | GMT +6
استانادا جولاۋشىلار اۆتوبۋسى ايالداماعا بارىپ سوعىلدى
استانا. قازاقپارات - ەلوردادا قوعامدىق كولىكتەردىڭ ءبىرى ايالداما پاۆيلونىنا سوعىلدى، دەپ حابارلايدى قازاقپارات ءتىلشىسى «استانا LRT» كومپانياسىنىڭ باسپا ءسوز قىزمەتىنە سىلتەمە جاساپ.
«2019 -جىلدىڭ 5 - اقپانىندا قالالىق باعدارداعى اۆتوبۋس جۇرگىزۋشىسى قوسشىعۇل ۇلى كوشەسىندەگى ايالداما ورنىنا جاقىنداي بەرە كولىكتى باسقارا الماي، جابىق تيپتەگى ايالداما پاۆيلونىنا سوعىلدى» ، - دەلىنگەن كومپانيانىڭ حابارلاماسىندا.
الدىن الا بولجام بويىنشا، جول- كولىك وقيعاسىنا جەردىڭ تايعاقتىعى سەبەپ بولعان.
«استانا LRT» كومپانياسىنان حابارلانعانداي، جول- كولىك وقيعاسى سالدارىنان ءبىر جولاۋشى زارداپ شەككەن. ول №2 قالالىق اۋرۋحاناعا جەتكىزىلگەن. الدىن الا اقپارات بويىنشا، جولاۋشى جەڭىل جاراقات العان.