09:54, 05 - اقپان 2019 | GMT +6
دەليدە جالعان اۋە بيلەتىن جاساعان قازاقستاندىق ازامات ۇستالدى
استانا. قازاقپارات - دەلي اۋەجايىندا جالعان اۋە بيلەتىن جاساعان قازاقستان ازاماتى ۇستالدى دەپ حابارلايدى NUR. KZ ءتىلشىسى.
سىرتقى ىستەر مينيسترلىگىنىڭ رەسمي وكىلى ايبەك سمادياروۆ بۇل ماسەلەنىڭ ءۇندىستانداعى كونسۋلدىق ءبولىم باقىلاۋىندا ەكەنىن ايتتى.
«پوليتسيا اقپاراتىنا سايكەس، ءتارتىپ بۇزۋشىعا 10 مىڭ رۋپي كولەمىندە ايىپپۇل سالىنعان. اۋەجاي قىزمەتكەرلەرىنىڭ ايتۋىنشا، ونى تۇتقىنداماعان، تەك ۇستاپ العان.
حاتتاما تولتىرىلعان سوڭ ول بوستاندىققا جىبەرىلەدى. ونىڭ جەكە كۋالىگىن الىپ قويعان. قۇجات ايىپپۇل تولەنگەن سوڭ بىردەن اكىمشىلىك سوتتا قايتارىلادى»، - دەدى ول.
سمادياروۆتىڭ سوزىنشە، قازاقستاندىق قازىر دەلي قالاسىندا.