ەۋروپادان كەم ەمەس: استانادا كىلەڭ اۋقاتتىلار تۇراتىن اۋدان جايلى نە بىلەمىز؟

None
None
 استانا. قازاقپارات - استانادا كىلەڭ باي-باعلاندار شوعىرلانعان ايرىقشا اۋدان بار.

«قالالىق رومانس» دەپ اتالاتىن بولىگىنە باس سۇقساڭىز، قۇددى ءبىر ەۋروپادا جۇرگەندەي اسەر الاسىز.

NUR. KZ ءتىلشىسى باي-باعلاندار اۋدانىنا بارىپ، اۋقاتتىلاردىڭ تىنىس-تىرشىلىگىمەن تانىسىپ قايتتى.

كىلەڭ اۋقاتتىلار تۇراتىن بۇل اۋداندا بىرنەشە «كۆارتال» بوي كوتەرگەن. ولار كوپشىلىككە «يتاليا»، «فرانسۋز»، «اعىلشىن» ورامى دەگەن اتپەن تانىمال.



سىرت كەلبەتى ەۋروپالىق ۇلگىدە بوي كوتەرگەن اۋدانعا كىرەر تۇستا ايرىقشا. بۇل اۋدانعا مىناداي ايرىقشا قاقپا، بيىك باسپالداقپەن بارا الاسىز.






اۋداننىڭ بەرگى بەتىن «يتاليا» ورامى الىپ جاتسا، ارعى بەتى «اعىلشىن» ورامى دەپ اتالادى. ءار تۇرعىن-ءۇي كەشەنى ءوز اتىنا ساي، سول ەلدىڭ ستيلىندە بوي كوتەرگەن.



اۋقاتتىلار اۋدانىندا قىمبات مەيرامحانالار دا جەتەرلىك. ولاردىڭ دا سىرت ءپىشىنى ەۋروپا ۇلگىسىندە سالىنعان.



ءبىر قىزىعى ءار اۋداندا مىناداي كىلتتەنەتىن تەمىر قاقپا-ەسىكتەردى بايقاۋعا بولادى. تۇرعىنداردىڭ ايتۋىنشا، بۇل ءۇي اۋلالارىنا بەيتانىس ادامداردىڭ كىرۋىنە توسقاۋىل بولادى ەكەن.



سول سياقتى اۋقاتتىلار اۋدانىندا بالالارعا ارنالعان ويىن الاڭدارى دا بار.



ال ۇيگە كىرەتىن ەسىكتەر بولسا، مىناداي ادەمى ويۋ-ورنەكتەرمەن بەزەندىرىلگەن.



باي-باعلاندار ورىن تەپكەن قالا اۋماعىندا قوقىس تاستايتىن جاشىكتەرگە دەيىن ايرىقشا ەكەن. شاھاردىڭ وزگە تۇرعىندارى تۇراتىن اۋداندارعا قاراعاندا، بۇل ورامداعى قوقىس جاشىكتەر الدەقايدا قىمبات ەكەنىن اڭعارۋعا بولادى.



بۇدان بولەك بۇل اۋداندا جاڭادان «اۆستريا» ورامى بوي كوتەرىپ كەلە جاتىر.



«بايلاردىڭ اۋدانى دەيدى، سەبەبى قاراپايىم قالا تۇرعىندارىنىڭ قالتاسى مىناداي ۇيلەردى كوتەرە بەرمەيدى. كورسەڭىز ەۋروپادان كەم ەمەس. ءبىراق ءبىر قىزىعى كوپ ادام تۇرىپ جاتقانىن بايقاماپپىن. سوعان قاراعاندا وسىنداعى پاتەرلەردىڭ ءبارى بوس تۇر ما دەگەن ويدا قالاسىڭ»، - دەيدى قالا تۇرعىندارىنىڭ ءبىرى.




سوڭعى جاڭالىقتار