استاناداعى ءورت بەس بالانىڭ ءومىرىن قيىپ كەتتى

استانا. قازاقپارات - استاناداعى ءورت كەزىندە بەس بالا مەرت بولدى، دەپ حابارلايدى قازاقپارات ق ر ءى ءى م توتەنشە جاعدايلار كوميتەتىنە سىلتەمە جاساپ.

استانا قالالىق ت ج د «101» پۋلتىنە ساعات 02:34 تە سارىارقا اۋدانىنداعى شىڭعىستاۋ كوشەسىنە ورنالاسقان جەكە ءۇيدىڭ اۋلاسىنداعى ۋاقىتشا تۇرعىزىلعان باسپانادا ءورت بولىپ جاتقانى تۋرالى حابار تۇسكەن.

30 شارشى مەر اۋماقتى شارپىعان جالىن سالدارىنان 25 شارشى مەترلىك توبەسى جابىندى وپىرىلا قۇلاعان. وقيعا ورنىنا جەتكەن ءورت سوندىرۋشىلەر بولىمشەسى ءتىلسىز جاۋدى 03:06 دا اۋىزدىقتاپ، 03:24 تە تولىقتاي ءسوندىردى.

ءورت ورنىنان 2006، 2008، 2013، 2015 جانە 2018 جىلدارى تۋعان بەس بالانىڭ ءمايىتى تابىلدى. ولاردىڭ اكە-شەشەسى جۇمىستا بولعان.

ءورت سوندىرۋگە استانا ت ج د- ءنىڭ 17 ادامى مەن 5 تەحنيكاسى، سونداي-اق ت ج ك ورتالىق ايماقتىق اەروموبيلدىك جەدەل-قۇتقارۋ جاساعىنىڭ 4 ادامى مەن 1 تەحنيكاسى تارتىلدى.