شىمكەنتتىك وقۋشىلار قازاقشا سويلەيتىن روبوت قۇراستىرىپ شىقتى

None
None
شىمكەنت. قازاقپارات - شىمكەنتتە «U:hack» يننوۆاتسيالىق يدەيالار فەستيۆالى باستالدى، دەپ حابارلايدى قازاقپارات ءتىلشىسى.

مەگاپوليستە العاش رەت ۇيىمداستىرىلعان ءىس-شاراعا زال تولى جاستار قاتىسۋعا نيەت بىلدىرگەن. جاستار جىلى اياسىنداعى فەستيۆالدى شىمكەنت قالاسى اكىمىنىڭ ءبىرىنشى ورىنباسارى قايرات نۇرتاي اشىپ، جاستارعا ساتتىلىك تىلەدى.

قاتىسۋشىلار ءوز تاڭداۋى بويىنشا 4 سەكتسياعا ءبولىندى: «IT»، «كونتەنت جانە مەديا»، «كينو جانە ۆيدەو»، «كاسىپكەرلىك».

جۇلدە قورىنداعى «Shymkent» ا ك ك» ا ق تاعايىنداعان 2 ميلليون تەڭگەنى ۇتىپ الۋ ءۇشىن قاتىسۋشىلاردىڭ 24 ساعات ۋاقىتى بار.

ايتا كەتۋ كەرەك، وسى ءىس- شارادا №65-مەكتەبىنىڭ وقۋشىلارىنان قۇرالعان INO كومانداسى قازاقشا سويلەيتىن روبوتىن تانىستىردى. فەستيۆالگە جينالعان 1000-عا جۋىق قاتىسۋشىنى تاڭ قالدىرعان روبوت ارنايى موبيلدى قوسىمشامەن باسقارىلادى. سەرۆيستىك روبوت ءوزى قوزعالىپ، قازاقشا قويىلعان سۇراقتارعا جاۋاپ بەرەدى.

ەلدوس تۇراننىڭ ايتۋىنشا، روبوتتى قۇراستىرۋعا 1 اپتا ۋاقىت كەتكەن. ونى Ino.lab يننوۆاتسيالىق لابوراتورياسىندا جاساپ شىققان. جاس ونەرتاپقىشتار بۇگىندە اتالعان زەرتحانادا اقپاراتتىق تەحنولوگيالاردى مەڭگەرىپ ءجۇر. ولار بولاشاقتا جاساندى ينتەللەكتپەن جۇمىس ىستەيتىن وسىنداي روبوتتاردى كوپتەپ جاساماق.

 

سوڭعى جاڭالىقتار