اتىراۋ وبلىسىندا نان قىمباتتامايتىن بولدى

اتىراۋ. قازاقپارات - اتىراۋدا الەۋمەتتىك ناننىڭ بولشەك ساۋدا باعاسى ءوز قالپىندا قالادى.

باعا تەك نەگىزگى تاعامداردىڭ كوتەرمە باعاسى ءۇشىن قىمباتتايدى، دەپ حابارلايدى قازاقپارات قالالىق اكىمدىكتىڭ باسپا ءسوز قىزمەتىنە سىلتەمە جاساپ.

بۇل تۋرالى قالالىق كاسىپكەرلىك ءبولىمىنىڭ باسشىسى رۋسلان داۆلەتوۆ مالىمدەدى. ونىڭ ايتۋىنشا، ەگەر ناننىڭ كوتەرمە باعاسى قازىر 55 تەڭگە بولسا، وندا ول كەيىن 60 تەڭگەگە دەيىن كوتەرىلەدى.

«ناننىڭ بولشەك باعاسى ءبىر دەڭگەيدە قالادى جانە 65 تەڭگە بولادى. ءبىز بارلىق ءىرى ساۋدا ورتالىقتارىنىڭ باسشىلارىمەن كەزدەستىك جانە دۇكەندەردەگى نان قۇنى 65 تەڭگەدەن جوعارى بولماۋى كەرەك دەگەن كەلىسىمگە كەلدىك»، - دەيدى رۋسلان داۆلەتوۆ.

بۇگىنگى كۇنى اتىراۋدا 14 ناۋبايحانا «الەۋمەتتىك» نان پىسىرۋمەن اينالىسادى. ايتا كەتۋ كەرەك، اتىراۋ قالاسىندا 338139 ادام تۇرادى، ءبىر ايدا نان تۇتىنۋ دەڭگەيى - 788991 ك گ.

«جالپى تۇتىنۋدىڭ %25 ى «داۋلەت نان» وندىرىستىك كەشەنىنە تيەسىلى، مۇندا تاۋلىگىنە 8 مىڭ نان پىسىرىلەدى»، - دەپ ناقتىلادى رۋسلان داۆلەتوۆ.

ەسكە سالا كەتسەك، اتىراۋ وبلىسىندا ءبىرىنشى سۇرىپتاعى ۇننىڭ ءبىر كيلوگرامى 115 تەڭگەگە دەيىن كوتەرىلدى.