رەسەيدىڭ ۇكىمەت باسشىسى الماتىدا ارىپتەستەرىنە قازاق تىلىندە ءۇن قاتتى

الماتى. قازاقپارات - الماتىدا ۇكىمەت باسشىلارى دەڭگەيىندەگى ەۋرازيا ۇكىمەتارالىق كەڭەسىنىڭ كەزەكتى وتىرىسى ءوتىپ جاتىر، دەپ حابارلايدى «قازاقپارات» ح ا ا ءتىلشىسى.

«قايىرلى كەش»، - دەپ باستادى مەدۆەدەۆ ءوز ءسوزىن قازاق تىلىندە.

رەسەيدىڭ ۇكىمەت باسشىسى كەڭەيتىلگەن قۇرامداعى وتىرىستا: «قازاق ءتىلىن ۇيرەنۋدى ۇمىتپاۋ كەرەك. كەزدەسۋدىڭ جاقسى ۇيىمداستىرىلعانى ءۇشىن قازاقستاندىق ارىپتەستەرىمە، بارشاڭىزعا تاعى دا العىس بىلدىرگىم كەلەدى»، - دەدى.

ر ف پرەمەر-ءمينيسترىنىڭ ايتۋىنشا، ەۋرازيا ەكونوميكالىق وداعىنا رەسەي ءتوراعالىق ەتكەن 2018 -جىلى ايتارلىقتاي ەكونوميكالىق جەتىستىكتەرگە قول جەتكىزىلدى.

«2018 -جىلدىڭ 10 ايىندا وداق ىشىندەگى ساۋدا شامامەن %12 ءوستى. سىرتقى سەرىكتەرمەن ساۋدا كولەمى %21 ارتتى. ءبىراق بۇل سيفرلاردى سالىستىرۋ ۇنەمى دۇرىس بولا بەرمەيدى»، - دەدى ول.

ءوز كەزەگىندە قازاقستان پرەمەر-ءمينيسترى بىلتىر سيفرلىق كۇن ءتارتىبى بەلسەندى تۇردە ىسكە اسىرىلىپ، 2018 -جىلدىڭ قورىتىندىلارى بويىنشا بەلگىلەنگەن كەدەرگىلەر بويىنشا جۇمىس ىستەلىپ جاتقانىن جەتكىزدى. بۇدان تىس، الدىڭعى وتىرىستاردا گاز، مۇناي، مۇناي ونىمدەرى بويىنشا ورتاق نارىقتاردى قالىپتاستىرۋ باعدارلاماسى بەكىتىلىپ، ينتەگراتسيا پروتسەستەرىن ودان ءارى دامىتۋ دەكلاراتسياسى قابىلدانعان بولاتىن.

شاراعا ە ا ە و- نىڭ بەس ەلىنىڭ وكىلدەرى، سونداي- اق ەۋرازيا ەكونوميكا كوميسسياسىنىڭ القا ءتوراعاسى قاتىسىپ وتىر. كۇن تارتىبىندەگى 15 ماسەلەنىڭ 10 ى شاعىن قۇرامدا تالقىلاندى.

بۇعان دەيىن ەۋرازيا ەكونوميكالىق وداعى ۇكىمەت باسشىلارى سيفرلاندىرۋ ماسەلەلەرىن تالقىلاۋ ءۇشىن الماتىدا باس قوسقانى حابارلانعان ەدى.

ە ا ە و- عا مۇشە مەملەكەتتەردىڭ ۇكىمەت باسشىلارى ءوزارا ساۋدانىڭ قازىرگى احۋالى جانە ماكروەكونوميكالىق جاعداي تۋرالى باياندامانى قارادى.

وتىرىستا كەمە قاتىناسى تۋرالى كەلىسىمگە قول قويۋ جوسپارلانعان. كەلىسىم ءبىرىڭعاي كولىك كەڭىستىگىن قۇرىپ، ىشكى سۋ كولىگى سالاسىنداعى كولىك قىزمەتتەرىنىڭ ورتاق نارىعىن قالىپتاستىرۋعا باعىتتالعان.

اۆتور: دانيار داۋىتاليەۆ