+7 (701) 759 90 19
3 °С : نۇر-سۇلتان
5 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

جاستار مەملەكەت جاساپ وتىرعان مۇمكىندىكتەردى پايدالانا ءبىلۋى كەرەك

1 اقپان 16:33
:ءبولىسۋ
جاستار مەملەكەت جاساپ وتىرعان مۇمكىندىكتەردى پايدالانا ءبىلۋى كەرەك

استانا. قازاقپارات - جاستار مەملەكەت جاساپ وتىرعان مۇمكىندىكتەردى وزدەرىن ءوسىرۋ، دامىتۋ ءۇشىن پايدالانا ءبىلۋى كەرەك.

مۇنداي پىكىردى ق ر پرەزيدەنتىنىڭ جانىنداعى قسزي حالىقارالىق زەرتتەۋلەر ءبولىمىنىڭ عىلىمي قىزمەتكەرى ەسكەندىر تەمىرلان ءبىلدىردى، دەپ حابارلايدى قازاقپارات ءتىلشىسى.

«جاھاندىق الەمدىك ۇردىستەر قوعامدى دامىتۋعا، ەڭ الدىمەن، ءوز تاراپىنان وزگەرۋگە بەيىم - جاستارعا ارنالعان نۇسقاۋلىق بولىپ تۇر. جاس ۇرپاقتىڭ دامۋىنا ينۆەستيتسيا سالۋ ستراتەگيالىق ينۆەستيتسيا سانالادى جانە بولاشاقتا «مۇنايىمىز» - ول جاستارىمىز بولماق. وسى رەتتە ولاردىڭ العا جىلجۋىنا جول كورسەتۋ وتە ماڭىزدى. ءبىلىم، جۇمىس، تۇرعىن ءۇيدىڭ بولۋى جاستاردىڭ رۋحاني دامۋىنا دا اسەر ەتەتىندىگى ءسوزسىز. مەملەكەت جاساپ وتىرعان مۇمكىندىكتەردى جاستار وزدەرىن ودان ارى ءوسىرۋ، دامىتۋ ءۇشىن پايدالانىلۋى كەرەك. جۇمىسسىزدىقتىڭ تومەن دەڭگەيى، حالىقارالىق ءبىلىم بەرۋ كەڭىستىگىنە بىرىكتىرىلگەن جۇيە، تۇراقتى الەۋمەتتىك سالا جانە لاتىن الىپبيىنە كوشۋ قازاقستان جاستار ءۇشىن قولايلى جاعداي جاسايدى. ال جاستار جىلى وسى پروتسەستەر ءۇشىن قوسىمشا كاتاليزاتور بولادى. مەنىڭ ويىمشا، ءومىر بويى ءبىلىم الۋ، الەۋمەتتىك ينتەللەكت، ۇتقىرلىق، جاھاندىق باسەكەگە قابىلەتتى بولۋ سياقتى ۇعىمدار ومىرلىك ۇستانىمىز بولۋى ءتيىس» ، - دەدى ول.

عىلىمي قىزمەتكەر دەرەگىنشە، بۇگىندە شامامەن 1,1 ميلليون قازاقستاندىق كوللەدجدەر مەن جوعارى وقۋ ورىندارىنىڭ ستۋدەنتتەرى، ونىڭ ىشىندە 100 مىڭعا جۋىق جاس شەتەلدە ءبىلىم الۋدا. قازاقستان جاستارىنىڭ باسىم بولىگى مەملەكەتىمىزدىڭ ستراتەگيالىق ارىپتەسى سانالاتىن رەسەي فەدەراتسياسى، قىتاي حالىق رەسپۋبليكاسى سىندى ەلدەردى تاڭدايدى. سونىمەن قاتار ول ەلباسىنىڭ باستاماسىمەن قۇرىلعان «بولاشاق» حالىقارالىق ستيپەندياسى 25 -جىل ىشىندە 12898 جاسقا بەرىلگەنىن اتاپ وتكەن

«بۇگىنگى كۇنى «بولاشاق» تۇلەكتەرىنىڭ 99 پايىزى جۇمىسقا ورنالاسىپ، جۇمىس بەرۋشىلەر اراسىندا ۇلكەن سۇرانىسقا يە. ولار قازاقستان رەسپۋبليكاسىنىڭ دەنساۋلىق ساقتاۋ، ءبىلىم، عىلىم، مەملەكەتتىك سەكتورىنىڭ دامۋىنا زور ۇلەس قوسادى. «بولاشاق» باعدارلاماسىنىڭ تۇلەكتەرى، سونداي- اق شەتەلدە ءبىلىم العان قازاقستاندىق ستۋدەنتتەر ەلىمىزدى دامىتۋ ءۇشىن ورالىپ، جۇمىس ىستەۋدە جانە ءار ءتۇرلى قىزمەت سالالارىندا مامانداردىڭ ساپاسىن ارتتىرۋعا جاڭا سەرپىن بەرىپ وتىر» ، - دەدى ەسكەندىر تەمىرلان.

ايتا كەتەيىك، 23 - قاڭتاردا ەلباسى نۇرسۇلتان نازاربايەۆتىڭ قاتىسۋىمەن «تاۋەلسىزدىك ۇرپاقتارى» جاستار جىلىنىڭ اشىلۋ سالتاناتى وتكەن بولاتىن.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات