تالدىقورعاندا جاستاردىڭ ءوز ستۋدەنتتىك قالاشىعى بولادى

تالدىقورعان. قازاقپارات - تالدىقورعاندا ستۋدەنتتىك جاتاقحانا وبلىس ورتالىعىنىڭ ەڭ ىڭعايلى ءارى ساۋلەتى جاراسقان جەرىندە بوي كوتەرمەك، دەپ حابارلايدى قازاقپارات ءتىلشىسى.

عيماراتتا ستۋدەنتتەردىڭ جان- جاقتى ءبىلىم الۋى مەن تىنىعۋىنا قاجەتتى جاعدايدىڭ بارلىعى قاراستىرىلعان. 1-قاباتتا كىتاپحانا، اسحانا، شاعىن كينوزال، مەديتسينالىق پۋنكت جانە ستۋدەنتتەردىڭ جەكە قىزىعۋشىلىعىنا بايلانىستى ءتۇرلى شەبەرحانالار بولادى.

سونداي- اق جوبا بويىنشا ءارقايسىسى 3 ادامعا ارنالعان 96 بولمە، گالەرەيا مەن ليفت بولادى.

جاتاقحانا ماڭىندا قالا جاعاجايى، ساۋدا ورتالىقتارى، قاراتال وزەنىنىڭ بويىنداعى سەرۋەندەۋگە ارنالعان اللەيا، ورتالىق ساياباق، ارداگەرلەر ساياباعى جانە ت. ب. دەمالىس ورىندارى، نىساندار مەن عيماراتتار بار.

بۇل دا - وبلىس باسشىلىعىنىڭ جاستار جىلىندا جاستارعا جاساعان تاماشا سىيى. ول جاستار ءۇشىن بوس ۋاقىتتى ءتيىمدى ءارى قىزىقتى وتكىزۋگە ارنالعان ىڭعايلى ورىنداردىڭ ءبىرى بولماق.

نىساندى وسى جىلدىڭ سوڭىنا دەيىن پايدالانۋعا بەرۋ جوسپارلانعان.

اۆتور: سامال قابىشيەۆا