استانانى گازداندىرۋ قالانىڭ شەتكى اۋداندارىنان باستالادى

استانا. قازاقپارات - استانانى گازداندىرۋ قالانىڭ شەتكى اۋداندارىنان باستالادى، دەپ حابارلايدى قازاقپارات قالا اكىمدىگىنىڭ سايتىنا سىلتەمە جاساپ.

جوباعا ساي ءبىرىنشى كەزەكتە كوگىلدىر وتىنمەن قالالىق ج ە و، كوكتال-1، كوكتال-2، تەمىرجول تۇرعىن الاپتارى مەن وڭتۇستىك- شىعىس اۋدانى قامتىلادى.

قالالىق وتىن- ەنەرگەتيكالىق كەشەن جانە كوممۋنالدىق شارۋاشىلىق باسقارماسىنىڭ مالىمەتىنشە، استانانى گازداندىرۋ جوباسى 3 كەزەكتەن تۇرادى. ءبىرىنشى كەزەك اياسىندا گاز ا گ ت س-1 دەن ج ە و-1 جانە ج ە و-3 كە، ا گ ت س-2 دەن ج ە و -2 گە، گاز تاراتۋشى جەلىلەردەن كوكتال- ، كوكتال-2، تەمىرجول تۇرعىن الاپتارىنا جانە وڭتۇستىك- شىعىس اۋدانىنا تاراتىلادى.

جوبانىڭ ەكىنشى كەزەڭى وتىندى گاز تاراتۋشى جەلىلەردەن ميچۋرينو، ينتەرناتسيونالنىي، كۇيگەنجار، تەلمان، پريگورودنىي، Garden Village, Family Village تۇرعىن الاپتارىنا جەتكىزۋدى قاراستىرادى.

ءۇشىنشى كەزەكتە يلينكا، شۇبار، ءوندىرىس تۇرعىن الاپتارى گازداندىرىلاتىن بولادى. وسى جىلدىڭ Ⅱتوقسانىندا 1- كەزەكتەگى گاز تاراتۋ جەلىلەرىنىڭ قۇرىلىسى باستالادى دەپ جوسپارلانۋدا. قارجىلاندىرۋدىڭ بولىنۋىنە قاراي كوكتال-1،2، تەمىرجول جانە وڭتۇستىك- شىعىس تۇرعىن ءۇي الاپتارى 2019-2023 -جىلدار ارالىعىندا گازداندىرىلماق.

استانانى گازداندىرۋ رەسپۋبليكالىق جانە جەرگىلىكتى بيۋدجەت، سونداي- اق جەكە ينۆەستيتسيالار قاراجاتى ەسەبىنەن جۇزەگە اسىرىلعالى وتىر. قالانى گازداندىرۋ شەڭبەرىندە استانا اكىمدىگىنىڭ قۇزىرەتىنە گاز تاراتۋ جەلىلەرىنىڭ قۇرىلىسى كىرەدى.