قازاقستاندا جۇمىسقا قابىلداۋ كەزىندە ادامنىڭ نەسيە تاريحى قارالاتىن بولادى

None
None
الماتى. قازاقپارات - قازاقستاندىق جۇمىس بەرۋشىلەر ەندى جۇمىسقا ادام قابىلدار الدىندا ونىڭ نەسيە تاريحىن ەسكەرەتىن بولادى، دەپ حابارلايدى قازاقپارات ءتىلشىسى.

«ەگەر ۇمىتكەر تۇلعادا تولەم مەرزىمى ءوتىپ كەتكەن نەسيە بار بولسا، ونى جۇمىسقا قابىلداماۋى مۇمكىن. قازىر مۇنداي تاجىريبەنى ريتەيل نارىعى - ءىرى گيپەرماركەتتەر پايدالانا باستادى. اسىرەسە ماتەريالدى جاۋاپكەرشىلىك قاراستىرىلعان قىزمەتتەرگە جۇمىس بەرۋشىلەر ءتارتىبى مىعىم، نەسيە تاريحى تازا جۇمىسكەرلەردى العىسى كەلەدى»، - دەدى ءبىرىنشى نەسيە بيۋروسىنىڭ ءتورايىمى اسەم نۇراليەۆا.

ونىڭ ايتۋىنشا، نەسيە تاريحىن تەكسەرۋ جۇمىسكەردىڭ كەلىسىمىمەن جۇزەگە اسادى.

«جۇمىس بەرۋشى ءسىزدىڭ كەلىسىمىڭىزسىز نەسيە تاريحىن تەكسەرە المايدى. ۇمىتكەر مىندەتتى تۇردە حاباردار ەتىلەدى. ولار ەڭ الدىمەن ەكى فاكتورعا: تولەم مەرزىمى وتكەن نەسيەگە، نەسيەسىنىڭ بار-جوعىنا ءمان بەرەتىن بولادى. ارينە، بۇل فاكتورلار جۇمىس بەرۋشىلەردىڭ ەركىندە. ەگەر جۇمىسشى جالاقىسى تومەن، ەڭبەك كوەففيسيەنتىنە ساي ەمەس جۇمىسقا ورنالاسسا، وندا ونى ماتەريالدىق جاۋاپكەرشىلىگى بار لاۋازىمنان باسقا پوزيتسيالارعا اۋىستىرۋعا بولادى»، - دەدى ول.

ءبىرىنشى نەسيە بيۋروسىنىڭ مالىمدەۋىنشە، قازاقستاندىقتاردىڭ 6 تريلليون تەڭگە نەسيەسى بار. بيزنەستى كەڭەيتۋ ءۇشىن قازاقستاندىقتار 17,2 تريلليون تەڭگە نەسيە العان.

ايتا كەتەرلىگى، ەلىمىزدە تولەم مەرزىمى وتكەن نەسيە ۇلەسى %14,1-عا جەتكەن.

بىلتىر قۇنى 1,9 تريلليون تەڭگە بولاتىن 6,6 ميلليون نەسيە بەرىلگەن. سونداي-اق، جالپى سوماسى 600 ميلليارد تەڭگە 75 مىڭ يپوتەكالىق نەسيە بەرىلگەن.

سوڭعى جاڭالىقتار