مەرزىمىنەن توعىز اپتا ەرتە تۋعان بالاقايدىڭ قىزىقتى سۋرەتتەرى جۇرتتى ءسۇيسىنتتى

 استانا. قازاقپارات - ناعىز ەر- ازامات تۋعاننان باستاپ ءوزىنىڭ جەڭىسكە دەگەن تالپىنىسى مەن قايسار مىنەزىن كورسەتەدى.

ال ءوز ۋاقىتىنان ەرتە تۋعان بالاقاي العاشقى ايلاردان باستاپ ەرەسەكتەردىڭ تىرلىگىمەن اينالىسادى ەكەن.

اكەسى دە كىشكەنتاي ءبۇلدىرشىننىڭ قىلىقتارى مەن ارەكەتتەرىن كادرعا ىلىكتىرۋدەن جالىقپايتىن كورىنەدى. بۇل تۋرالى bigpicture.ru سايتىنا سىلتەمە جاساعان NUR. KZ جازادى.

رايان ءوز مەرزىمىنەن توعىز اپتا ەرتە تۋعان. ومىرگە كەلگەندە ونىڭ سالماعى 1,36 كەلىنى قۇراپتى.

جۇبايلاردىڭ ەكى جاسقا تولعان ۇلكەن قىزى بار. اكەسى كىشكەنتاي سۇلۋى دۇنيەگە كەلگەندە، قىزىقتى سۋرەتتەردەن توپتاما جاساعان ەكەن. ول ەندى بۇل ارەكەتىن ءوز ۇلىنا دا قايتالاماق بولىپتى.

 

بالاقايدىڭ مەرزىمىنەن بۇرىن دۇنيەگە كەلۋى اكەسىنە كەدەرگى كەلتىرە قويماعان. ول فوتوجوبالارىنىڭ نەگىزىن وزگەرتىپ، ۇلىنىڭ ەرەسەكتەر ارەكەتىن ىستەگەن ساتتەرىن سۋرەتكە ءتۇسىرىپتى.

 

ءار سۋرەتكە بالاقايدىڭ اكەسى 15-20 مينۋتىن عانا جۇمساعان. ۋاقىتتىڭ كوپ بولىگى كادردى دايىنداۋ مەن رەتتەۋگە قاجەت بولادى ەكەن.

 

اناسى دا راياننىڭ سۋرەتكە جاقسى تۇسۋىنە كومەكتەسەدى.

 

شىن مانىندە، رايان قولىنا كىشكەنتاي عانا زاتتار ۇستاپ تۇرادى. ال اكەسى ونى فوتو وڭدەيتىن قۇرالمەن ۇلكەيتىپ وتىرادى.