10:59, 28 - قاڭتار 2019 | GMT +6
جاستار جىلى كاسىپكەرلەرگە جاڭا مۇمكىندىك بەرەدى - اسقار ساعيتجان
اقتاۋ. قازاقپارات - ءوزىم كاسىپكەر رەتىندە ەلباسىنىڭ جاستار جىلىنداعى باستامالارىن قولدايمىن. بۇل تۋرالى جاس كاسىپكەر اسقار ساعيتجان قازاقپارات تىلشىسىنە ايتىپ بەردى.
ەلباسىنىڭ قاتىسۋىمەن وتكەن وتىرىستا ءتۇرلى سالادا ۇزدىك اتانعان جاستاردىڭ جەتىستىگى ماڭعىستاۋلىق بەلسەندىلەرگە جاڭا موتيۆاتسيا بەردى. اسىرەسە، جاستارعا ەڭ قاجەت سالالارعا كوڭىل بولىنەتىنى ولاردى قۋانتىپ وتىر. اسقار ساعيتجان دا سولاردىڭ قاتارىندا.
ول جاستار جىلى - قازاقستان ءۇشىن بىرەگەي جانە كەڭ اۋقىمدى وقيعا دەپ سانايدى.
«ءوزىم ەلباسىنىڭ جاستار كاسىپكەرلىگىن قولداۋ باعىتىندا قور اشىپ، سول جاستاردىڭ جاڭا ستارتاپتارىن قولداۋعا باعىتتالعان قارجىلاندىرۋ كولەمىن ارتتىرۋ، جاڭا مەملەكەتتىك باعدارلامالاردى ازىرلەۋ باستامالارىن قولدايمىن. سونىمەن قاتار، «ديپلوممەن اۋىلعا» باعدارلاماسىندا 70 اەك بۇرىن كومەك رەتىندە بەرىلسە، ەندى ونى 100 ا ە ك دەيىن كوتەرۋدى ماقسات ەتىپ وتىر. بۇل دا جاستارعا زور مۇمكىندىك»، - دەيدى اسقار ساعيتجان.