بوياۋدى قاجەت ەتپەيتىن سۋرەتشى

نۇر-سۇلتان.قازاقپارات - سۋرەتشى ۆيكتور نۋنەس (Victor Nunes) ءار نارسەدەن سۋرەت كورە الادى. ول كەز كەلگەن قاراپايىم زاتتى ونەر تۋىندىسىنا اينالدىرىپ، جاڭاشىل ىزدەنىسپەن كوزگە ءتۇسىپ كەلەدى.

ياعني، كۇندەلىكتى تۇتىناتىن زاتتاردى ءوز سۋرەتتەرىنە پايدالانىپ، ەشقانداي بوياۋدىڭ كومەگىنسىز قىزىق تۋىندىلاردى دۇنيەگە اكەلەدى. مىسالى، قايشى، پوپ- كورن، سابىن، گرەك جاڭعاعى سياقتى زاتتار مەن تاعامداردى سۋرەتتەرىندەگى نەگىزگى دەتالگە يكەمدەيدى. ول اۋەلى قارىنداشپەن قيالداعى بەينەنى پاراققا ءتۇسىرىپ الادى، سودان سوڭ "كوڭىلىنە ۇناعان زاتتى" (سۋرەتىنە وراي) قاجەتىنە پايدالانادى. ونىڭ سۋرەتتەرىنە قاراپ وتىرىپ، ول قولدانعان ءار زاتقا باسقا كوزقاراس تۋىندارى انىق. ويتكەنى ول ءبىز بايقاي بەرمەيتىن نارسەلەردەن "جاندى" دۇنيە جاساپ شىعارادى. قىزىق سۋرەتتەر كۇلكى شاقىرىپ، جاعىمدى اسەرگە بولەيدى. سۋرەتشىنىڭ ۇشقىر قيالى مەن ەرەكشەلىككە ۇمتىلىسى كوڭىل قۋانتادى.

Massaget.kz