جاستار جىلى عالىمدارعا ۇلكەن مۇمكىندىك بەرىپ وتىر - جاس عالىم

 الماتى. قازاقپارات - جاستار جىلى عالىمدارعا ۇلكەن مۇمكىندىك بەرىپ وتىر. الماتىداعى ءال- فارابي اتىنداعى قازاق ۇلتتىق ۋنيۆەرسيتەتىنىڭ دوكتورانتى، جاس عالىم شۇعىلا بورلىبايەۆا وسىلاي دەيدى، دەپ حابارلايدى قازاقپارات ءتىلشىسى.

ونىڭ ايتۋىنشا، قازىرگى تاڭدا كوپتەگەن جوبالارمەن اينالىسىپ جۇرگەن بەلسەندى جاستار جەتەرلىك.

«جاستار جىلىنىڭ اشىلۋىندا ەلباسىمىز جاستارعا قاتىستى كوپ ءمان- جايدى اتاپ ءوتتى. جاس عالىمدارعا ىزدەنىس جۇمىستارى ءۇشىن مەملەكەتتەن قولداۋ كورسەتىلىپ، 3 ميلليارد تەڭگە بولىنەتىنى قاتتى قۋانتتى. ول - ءبىز ءۇشىن جاڭا مۇمكىندىك» ، - دەيدى ول.

 قازىرگى تاڭدا شۇعىلا زەرتتەۋ جۇمىستارىن جۇرگىزىپ، الدىنا ۇلكەن ماقسات قويىپ وتىر.

«جاس عالىم رەتىندە قازىر بالحاش مىس كەنى ايماعى بويىنشا زەرتتەۋ جۇرگىزىپ جاتىرمىن، ەندى الدا ا  قش- تاعى ميچيگان تەحنيكالىق ۋنيۆەرسيتەتىندە تاعىلىمدامادان وتسەم دەگەن ويىم بار. ازىرشە العىشارتتارىن جاساپ قويدىق. ول ۋنيۆەرسيتەت اتىنان مەملەكەتتىڭ قولداۋىمەن جۇرگىزىلەدى» ، - دەيدى جاس عالىم شۇعىلا بورلىبايەۆا.

ءوزىنىڭ ايتۋىنشا، ول تەك زەرتتەۋ جۇمىستارىمەن عانا شەكتەلمەي، الەۋمەتتىك سالادا دا جاستارمەن، ەرىكتىلەرمەن، ستۋدەنتتەرمەن كوپ كەزدەسۋ وتكىزىپ، وزگە دە جوبالارمەن اينالىسادى.

 ەسكە سالايىق، 23 - قاڭتار كۇنى استانادا نۇرسۇلتان نازاربايەۆتىڭ قاتىسۋىمەن جاستار جىلىنىڭ سالتاناتتى اشىلۋ ءراسىمى ءوتتى. شاراعا ۇكىمەت مۇشەلەرى، ق ر پارلامەنتى دەپۋتاتتارى، جەرگىلىكتى اتقارۋشى ورگان باسشىلارى، قر پرەزيدەنتى جانىنداعى جاستار ساياساتى كەڭەسىنىڭ مۇشەلەرى، «100 جاڭا ەسىم» بايقاۋىنىڭ جەڭىمپازدارى، «بولاشاق» باعدارلاماسىنىڭ تۇلەكتەرى، جاس عالىمدار قاتىستى.

 ايتا كەتسەك، پرەزيدەنت قازاقستان حالقىنا وتكەن جىلعى جولداۋىندا 2019 -جىلدى جاستار جىلى دەپ جاريالاۋدى ۇسىنعان بولاتىن. ارادا ءبىر ايدان استام ۋاقىت وتكەننەن كەيىن ەلباسى جارلىعىمەن 2019 -جىل جاستار جىلى بولىپ رەسمي تۇردە جاريالاندى.