جاستار جىلى: ستۋدەنتتەردىڭ الەۋمەتتىك جاعدايى جاقسارادى

  استانا. قازاقپارات - جاستار جىلى اياسىندا پرەزيدەنتتىڭ باستامالارى ستۋدەنتتەردىڭ الەۋمەتتىك ءال- اۋقاتىن جاقسارتۋعا مۇمكىندىك بەرەدى. بۇل تۋرالى ق ر پرەزيدەنتىنىڭ جانىنداعى ق س ز ي ءبولىمىنىڭ اعا عىلىمي قىزمەتكەرى جانار سانحايەۆا ايتتى، دەپ حابارلايدى قازاقپارات.

«مەملەكەت باسشىسى جاستار جىلىنىڭ رەسمي اشىلۋىندا قازاقستان جاستارىنىڭ ءومىرىنىڭ ءارتۇرلى اسپەكتىلەرىنە قاتىستى ءبىرقاتار تاپسىرمالار بەردى. وسى ورايدا ەندى جوعارى بىلىمگە قولجەتىمدىلىكتى كەڭەيتۋ ماسەلەلەرىنە ەرەكشە نازار اۋدارىلادى. بۇل ماسەلەنىڭ وزەكتىلىگى ستاتيستيكالىق دەرەكتەرمەن دە كورسەتىلەدى. قازاقستان 2016 -جىلى 10 مىڭ ادامعا شاققاندا جوعارى ءبىلىم بەرۋ جۇيەسىندە وقيتىن ستۋدەنتتەر سانى بويىنشا ت م د ەلدەرىنىڭ اراسىندا 6- ورىندى يەلەندى. وسىلايشا، قازاقستاندا سول ۋاقىتتا 10 مىڭ ادامعا 266 ستۋدەنتتى قامتىدى، ال رەيتينگتىڭ كوشباسشىسى رەتىندە بەلارۋس 330 ستۋدەنت كورسەتكىشىمەن شىقتى» ، - دەدى ج. سانحايەۆا.

 ساراپشىنىڭ اتاپ وتۋىنشە، جاستارمەن كەزدەسۋ كەزىندە پرەزيدەنت جوعارى ءبىلىمنىڭ قولجەتىمدىلىگىن جاقسارتۋ بويىنشا قازاقستان ءوز ماقساتتارىن جۇزەگە اسىرۋدى جالعاستىرىپ كەلە جاتقانىن تاعى دا بايقاتتى. بۇعان دەيىن اقىسىز ءبىلىم الۋ ءۇشىن 20 مىڭ گرانت ءبولۋ باستاماسى جاريالانعانى بەلگىلى. ەندى وسى باعىتتاعى تىڭ تاپسىرمالار ءبىلىم بەرۋ دەڭگەيىن كوتەرۋدىڭ باسقا جولدارىن ىزدەستىرۋدى جانە ستۋدەنتتەردىڭ الەۋمەتتىك ءال- اۋقاتىن جاقسارتۋعا نەگىز بولماق.

 «بىلىمگە قول جەتىمدىلىكتى كەڭەيتۋ ەڭبەك نارىعىن بىلىكتى ماماندارمەن قامتاماسىز ەتۋ تۇرعىسىنان، سونداي- اق جاستار ءۇشىن «الەۋمەتتىك ليفت» رەتىندە ماڭىزدى ەكەنىن اتاپ ءوتۋ كەرەك. وسىلايشا، جوعارى ءبىلىم بەرۋ جۇيەسى اياسىندا كاسىبي داعدىلاردى يەمدەنۋمەن قاتار، وزگە دە ءبىرقاتار جەڭىلدىكتەرگە قول جەتكىزەمىز. مەملەكەت باسشىسى الەۋمەتتىك بەلسەندى جاس ازاماتتاردى ىنتالاندىرۋدىڭ ماڭىزدىلىعىن اتاپ ءوتتى، ونىڭ ىشىندە ۆولونتەرلىكپەن اينالىسۋدى قالايتىنداردى ماتەريالدىق تۇردە قولداۋعا قاتىستى تاپسىرما بەرىلدى. مۇنداي تاجىريبە ستۋدەنتكە ءوز ۇستانىمىن جەتىلدىرىپ، باسقا ادامدارعا كومەكتەسۋگە دايىن الەۋمەتتىك جاۋاپتى ازاماتتى تاربيەلەۋگە مۇمكىندىك بەرەدى» ، - دەدى جانار سانحايەۆا.

 بۇدان بۇرىن حابارلانعانداي، مەملەكەت باسشىسى نۇرسۇلتان نازاربايەۆ ۇكىمەتكە ۆولونتەرلىكپەن اينالىساتىن جوو ستۋدەنتتەرىنىڭ شاكىرتاقىسىن 30 پايىزعا ارتتىرۋدى تاپسىردى.

 سونىمەن قاتار، پرەزيدەنت «جاس مامان» باعدارلاماسىن ازىرلەۋدى جۇكتەدى.

 مۇنىمەن قوسا، «ديپلوممەن اۋىلعا» باعدارلاماسىن دامىتۋعا قاتىستى تاپسىرمالار بەرىلدى.