قىتايداعى قازاق جازۋشىسى ابدەنباي باجاي قايتىس بولدى
ابدەنباي باجاي 1939-جىلى ق ح ر شىڭجاڭ ولكەسى التاي ايماعىندا دۇنيەگە كەلگەن. 1959-جىلى ءۇرىمجى قالاسىنداعى شىڭجاڭ ءتىل ينستيتۋتىنىڭ قىتاي ءتىلى جانە ادەبيەتى فاكۋلتەتىندە وقىعان. ابدەنباي باجاي سانالى عۇمىرىندا شىعارماشىلىقپەن قاتار، وقىتۋشى، «التاي» گازەتىنىڭ رەداكتورى، شىڭجاڭ ولكەسىندەگى جازۋشىلار وداعىنىڭ قازاق تىلىندە جارىق كورەتىن «شۇعىلا» جۋرنالىندا باس رەداكتوردىڭ ورىنباسارى سەكىلدى قوعامدىق جۇمىستاردى اتقارعان.
ول ىلە قازاق اۆتونوميالىق وبلىسىنىڭ جازۋشىلار قوعامى ءتوراعاسىنىڭ ورىنباسارى، قىتاي جازۋشىلار قوعامىنىڭ مۇشەسى، «مەملەكەتتىك ءبىرىنشى دارەجەلى جازۋشى» اتاعىنىڭ يەگەرى بولدى.
«سۇرلەۋ»، «تاۋ بۇلاعى»، «بوگەۋ بەرمەس»، «اقيقات ىزدەگەن ادام» جىر جيناقتارىنىڭ جانە «كۇن ءوز كەۋدەڭنەن تۋادى»، «جاسامپازدىق وربيتاسى»، «ادەبيەت جانە تانىم» كىتاپتارىنىڭ اۆتورى.
شىعارمالارى قىتاي، ۇيعىر، قىرعىز تىلدەرىنە اۋدارىلعان. سونىمەن بىرگە اقىن ولەڭدەرى «قازاق ادەبيەتى»، «جۇلدىز» سەكىلدى قازاقستاندا شىعاتىن باسىلىمداردا جارىق كورىپ، وقىرماندارمەن قاۋىشقان.
اۆتور: باقىتجول كاكەش