الماتىدا جاستاردىڭ عىلىمي پىكىرتالاسى وتەدى
بۇل تۋرالى وقۋ ورنىنىڭ باسپا ءسوز قىزمەتىنىڭ جەتەكشىسى جاندار اسان ايتتى، دەپ حابارلايدى قازاقپارات.
باس قوسۋ جاستار جىلى قارساڭىندا ۇيىمداستىرىلىپ وتىر. جوعارى وقۋ ورىندارىنىڭ ستۋدەنتتەرى، ماگيسترانتتارى مەن دوكتورانتتارى قاتىساتىن جيىندا وقۋ ورنى ەلىمىزدەگى جاس عالىمداردىڭ شىعارماشىلىق قابىلەتىن شىڭداۋدى كوزدەيدى.
كونفەرەنتسيانىڭ باستى ماقساتى - جاس عالىمداردىڭ جاسامپازدىق الەۋەتىن دامىتۋ، ولاردى زاماناۋي عىلىمنىڭ ماڭىزدى ماسەلەلەرىن شەشۋگە بەلسەندى تۇردە تارتۋ، عىلىمي ءبىلىم بەرۋ كەڭىستىگىن دامىتۋ. سونىمەن قاتار ىزدەنۋشىلەردىڭ ءوزارا بايلانىس ورناتۋلارىنا، تاجىريبە الماسۋلارىنا ىقپال جاساۋ.
«جاستاردىڭ شىعارماشىلىق، عىلىمي-زەرتتەۋ جۇمىستارىن ناسيحاتتاۋ مەن ونى كەڭ كولەمدە جاريالاۋدا، ولاردىڭ تۇلعالىق دامۋدىڭ ءتاسىلى رەتىندەگى جوبالىق زەرتتەۋ ءىس-ارەكەتتەرىنە تارتۋدا جانە ءبىلىم بەرۋ ءۇردىسىنىڭ تيىمدىلىگىن كوتەرۋ مەن قولدانبالى عىلىمعا دەگەن قىزىعۋشىلىقتارىن دامىتۋدا وسى تاقىلەتتەس جيىنداردىڭ ماڭىزى زور»، - دەپ اتاپ ءوتتى جاندار اسان.
بيىلعى كونفەرەنتسيا « ХХІعاسىرداعى جاراتىلىستانۋ عىلىمدارىنىڭ تەوريالىق باعىتتارى»، «حيميا عىلىمدارىنىڭ زەرتتەۋلەرىنىڭ وزەكتىلىگى، جەتىستىكتەرى مەن يننوۆاتسياسى»، «جاراتىلىس تانۋ عىلىمدارىنىڭ دامۋ زاڭدىلىقتارى مەن يننوۆاتسياسى» جانە «زاماناۋي ءبىلىم بەرۋ كەڭىستىگىندەگى وقىتۋ مەن تاربيەنىڭ تەورياسى جانە ادىستەرى» سەكتسيالارى بويىنشا وتكىزىلمەك.