جاستار جىلى بىزدەر ءۇشىن ۇلكەن مۇمكىندىكتەرگە جول اشادى - جاس مامان

None
None
كوكشەتاۋ. قازاقپارات - جاستار جىلى جاستارعا ۇلكەن مۇمكىندىكتەر اشادى. مۇنداي پىكىردى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتىنىڭ مامانى جازيرا توقتار ءبىلدىردى.

«كەز كەلگەن وركەنيەتتىڭ بيىگىنە ۇمتىلعان مەملەكەتتىڭ ەڭ باستى تىرەگى ول جاستار. جاس مامان رەتىندە مەن دە ەلىمىزدەگى جاستارعا جاڭا مۇمكىندىكتەر اشىلىپ وتىرعانىنا قۋانىشتىمىن»، - دەيدى جازيرا توقتار.

ونىڭ ايتۋىنشا، جاستار قوعامدا ءوز ورنىن تاۋىپ، تۇلعا بولىپ قالىپتاسۋى ءۇشىن كەز كەلگەن قوعامدىق ماسەلەگە بەي-جاي قاراماي، ونىڭ شەشىلۋىنە ۇلەس قوسۋى ءتيىس.

«مەنىڭ بۇگىنگى تاڭداۋىم - مەملەكەتتىك قىزمەت. حالقىمىزدىڭ «بيلىگى مىقتى ەلدىڭ - تىرلىگى قۇتتى بولادى» دەگەن اتالى ءسوزى بار. سوندىقتان، قاشان دا جۇگى اۋىر بيلىك مىندەتىنىڭ اۋقىمدى جانە ماقساتىنىڭ بيىك بولارى بارلىق مەملەكەتتىك قىزمەتشىلەردىڭ ءارقاشان جادىندا بولۋى كەرەك.

مەملەكەتتىك قىزمەتشىنىڭ باستى مىندەتى - حالقىنا ادال قىزمەت ەتۋ. مەملەكەتتىك قىزمەتشى جوعارى ادەپ نورمالارىن قاتاڭ ساقتاۋى قاجەت. وزىمە كەلسەم، مەملەكەتتىك قىزمەتكە 2017-جىلدىڭ سوڭىندا بۋىنى قاتپاعان، تاجىريبەسى جوق مامان رەتىندە كەلدىم. تاجىريبەمنىڭ جوقتىعىنا قاراماستان، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتىنە باسپا ءسوز حاتشىسى لاۋازىمىنا قابىلداندىم.

بۇقارالىق اقپارات قۇرالدارىمەن تىعىز بايلانىس جاساۋ جاس مامان ءۇشىن وڭاي شارۋا ەمەس. سول سەبەپتى، مەنىڭ كاسىبي بەيىمدەلۋىم ءۇشىن تاجىريبەلىك كومەك كورسەتەتىن تالىمگەر تاعايىندالدى. جاس مەملەكەتتىك قىزمەتشىلەردى وقىتۋ باعدارلاماسىنا سايكەس ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ وبلىستىق فيليالىندا ءبىلىمىمدى جەتىلدىردىم. وسىلايشا، مەملەكەتتىك قىزمەتتىڭ ىستىعىنا كۇيىپ، سۋىعىنا توڭۋدى ۇيرەندىم»، - دەيدى جازيرا توقتار.

قازىرگى تاڭدا جاس مامان ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وڭىرلەردەگى دەپارتامەنتتەرى باسپا ءسوز حاتشىلارىنىڭ اراسىندا ەڭ ۇزدىكتەرىنىڭ قاتارىندا.

«جالپى، اگەنتتىكتىڭ جاستارعا بەرەرى مول. بىلتىر دەپارتامەنت وبلىستىق جاستار ساياساتى ماسەلەلەرى باسقارماسىمەن بىرلەسىپ مەملەكەتتىك قىزمەت مەكتەبىنىڭ ەسىگىن اشتى. ونداعى ماقسات تالانتتى، ساۋاتتى، ءبىلىمدى، جاۋاپتى، ۇيىمداستىرۋشىلىق جانە كوشباسشىلىق قابىلەتى بار جاستاردى مەملەكەتتىك قىزمەتكە تارتۋ.

دەپارتامەنتتىڭ باستاماسىمەن وبلىستىڭ ءبىرقاتار وڭىرلەرىندە بوس جۇمىس ورىندارىنىڭ جارمەڭكەسى ۇيىمداستىرىلدى. سىبايلاس جەمقورلىققا قارسى مادەنيەتتى قالىپتاستىرۋ باعىتىندا وتكىزىلەتىن شارالارعا جاستار كەڭىنەن تارتىلادى. مەملەكەتتىك قىزمەتشى - ءبىر سالانى قامتيتىن ماماندىق قانا ەمەس، ول ەلباسىمىزدىڭ ساياساتىن جەرگىلىكتى جەردە جۇرگىزۋشى، حالىق پەن بيلىك اراسىندا تىعىز بايلانىس ورناتۋشى، ەلدىڭ مۇڭ-مۇقتاجىن جەتكىزۋشى. ءبىر سوزبەن ايتقاندا، ولار - مەملەكەتتىڭ بەت- بەينەسى جانە ابىرويلى قىزمەتشىسى. سوندىقتان، بيىلعى جاستار جىلى جاستارعا ۇلكەن مۇمكىندىكتەر اشادى دەپ ەسەپتەيمىن»، دەپ تۇيىندەدى جازيرا توقتار.

سوڭعى جاڭالىقتار